Свет1414

Цырымонія развітання з Барысам Нямцовым скончылася пад воклічы «Расія без Пуціна»

У Маскве сканчаецца цырымонія развітання з палітыкам Барысам Нямцовым, забітым у ноч на 28 лютага ў цэнтры расійскай сталіцы.

У Маскве завяршылася цырымонія развітання з палітыкам Барысам Нямцовым. Нягледзячы на тое, што тысячы людзей не паспелі падысці да труны, цырымонію вырашылі не працягваць.

фота Георгія Албурава, meduza.io

Вяртаючыся да метро, людзі скандавалі «Расія будзе свабоднай», «Расія без Пуціна» і іншыя лозунгі, паведамляе meduza.io.

У ліку тых, хто прыйшоў развітацца з загінулым — жонка і дачка першага расійскага прэзідэнта Барыса Ельцына, Наіна Ельцына і Таццяна Юмашава, палітыкі, бізнесмены, грамадскія дзеячы — Ірына Хакамада, Мікіта Белых, Грыгорый Яўлінскі, Уладзімір Рыжкоў, Генры Рэзнік, Міхаіл Прохараў, Міхаіл Абызаў ды інш.

Людзі перадавалі кветкі з рук у рукі, каб паспець ускласці іх. Павел Шарамет, які вёў цырымонію, ужо выйшаў з Сахараўскага цэнтра. Да будынка пад'ехаў катафалк, куды пагрузіць труну з целам палітыка, каб адвезці на Траякураўскія могілкі.

***

10:30

Труна з целам палітыка пастаўлена ў адным з залаў Сахараўскага цэнтра. Сама зала ўпрыгожана фатаграфіямі Нямцова.

Каля труны стаяць члены сям'і нябожчыка, у тым ліку яго маці і дзеці.

Reuters.com

Людзі стаяць у вялікай чарзе, tvrain.ru

На пахаванне прыйшлі сотні людзей, прыехаў пасол ЗША Тэфт. 

Мама Барыса Нямцова, Дзіна Эйдман, itar-tass.com

У Сахараўскі цэнтр прыйшоў Уладзімір Лукін, былы ўпаўнаважаны па правах чалавека ў Расіі. Прыбыў мэр Рыгі Ніл Ушакоў і Джон Мейджар — былы прэм'ер-міністр Вялікабрытаніі. Разам з тым, не пусцілі ў Маскву старшыню сената Польшчы Богдана Барусевіча і дэпутата ЕП ад Латвіі Сандру Калніеце.

10:35

Сяргей Кірыенка, былы кіраўнік урада Расіі, зараз — кіраўнік дзяржкарпарацыі «Расатам», сказаў: «Безумоўна, ён — гістарычная асоба, многае зрабіў для краіны. Ён быў шчырым, сумленным чалавекам, які заўсёды верыў у тое, у што верыў. Ён мог падманвацца, яго маглі падманваць. Ён — рамантык ў палітыцы».

10:40

Міхаіл Касьянаў (старшыня ўрада Расіі ў 2000-2004 гг.) заявіў: «Ён стаў ворагам для многіх, бо ён нёс праўду. А праўда многім не па душы, яна ім не падабаецца. Барыс быў найбольш яркім прадстаўніком расійскай апазіцыі, лідарам расійскай апазіцыі».

«Гэтая атмасфера нянавісці, якая акружае нас, і паслужыла спускавым кручком гэтага забойства», — сказаў Пётр Авен, старшыня савета дырэктараў банкаўскай групы «Альфа-Банк».

10:55

Пасол ЕС у Расіі Вігаўдас Ушацкас развітаўся ад сябе, усіх еўрапейскіх паслоў і «тых, каго не пусцілі развітацца ў Расію».

«Сёння мы развітваемся з Барысам Нямцовым, яркім палітыкам і патрыётам Расіі, сябрам Еўрапейскага Саюза. Ён адстойваў праўду шчыра і горача, верачы ў тое, што без праўды няма будучыні. Барыс увасабляў і абараняў тыя каштоўнасці, якія мы падзялялі: вера ў сілу грамадзянскай супольнасці, неабходнасць падсправаздачнасці улады. Барыс — асоба вялізнага маштабу», — сказаў Ушацкас.

Пасол ЗША Тэфт сказаў: «Я прыйшоў ад імя Абамы, Керы і многіх амерыканцаў, якія таксама смуткуюць».

Мама Барыса Нямцова Дзіна Эйдман, EPA
Міністр замежных спраў Літвы Лінас Лінкявічус, tvrain.ru

Каментары14

Цяпер чытаюць

«Адны вераць, што вернуцца, іншыя — не». Як працуе беларуская школа ў Польшчы1

«Адны вераць, што вернуцца, іншыя — не». Як працуе беларуская школа ў Польшчы

Усе навіны →
Усе навіны

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў18

Выключэнне Dana Holdings з санкцыйнага спісу ЗША не звязанае з «мірнымі перамовамі»

Прызналі «экстрэмісцкімі» сайт і сацсеткі Еўрапейскага гуманітарнага ўніверсітэта12

У Польшчы пачалі дэпартаваць затрыманых на канцэрце Макса Каржа11

У Расіі аб'явілі «замежным агентам» праўладнага палітолага Маркава4

Затрымалі дзяўчыну, якая доўгі час сталкерыла Аляксандра Рыбака12

У Мінску за «здраду дзяржаве» на 9 гадоў асудзілі 60-гадовага праграміста5

Украіна нанесла ўдар па базе расійскіх дронаў у Крыме1

Вакансія ў «Нашай Ніве»: мантажор тыктокаў 6

больш чытаных навін
больш лайканых навін

«Адны вераць, што вернуцца, іншыя — не». Як працуе беларуская школа ў Польшчы1

«Адны вераць, што вернуцца, іншыя — не». Як працуе беларуская школа ў Польшчы

Галоўнае
Усе навіны →

Заўвага:

 

 

 

 

Закрыць Паведаміць