Cyrymonija raźvitańnia z Barysam Niamcovym skončyłasia pad vokličy «Rasija biez Pucina»
U Maskvie skančajecca cyrymonija raźvitańnia z palitykam Barysam Niamcovym, zabitym u noč na 28 lutaha ŭ centry rasijskaj stalicy.
U Maskvie zaviaršyłasia cyrymonija raźvitańnia z palitykam Barysam Niamcovym. Niahledziačy na toje, što tysiačy ludziej nie paśpieli padyści da truny, cyrymoniju vyrašyli nie praciahvać.
Viartajučysia da mietro, ludzi skandavali «Rasija budzie svabodnaj», «Rasija biez Pucina» i inšyja łozunhi, paviedamlaje meduza.io.
U liku tych, chto pryjšoŭ raźvitacca z zahinułym — žonka i dačka pieršaha rasijskaha prezidenta Barysa Jelcyna, Naina Jelcyna i Taćciana Jumašava, palityki, biźniesmieny, hramadskija dziejačy — Iryna Chakamada, Mikita Biełych, Hryhoryj Jaŭlinski, Uładzimir Ryžkoŭ, Hienry Reźnik, Michaił Procharaŭ, Michaił Abyzaŭ dy inš.
Ludzi pieradavali kvietki z ruk u ruki, kab paśpieć uskłaści ich. Pavieł Šaramiet, jaki vioŭ cyrymoniju, užo vyjšaŭ z Sacharaŭskaha centra. Da budynka padjechaŭ katafałk, kudy pahruzić trunu ź ciełam palityka, kab advieźci na Trajakuraŭskija mohiłki.
***
10:30
Truna ź ciełam palityka pastaŭlena ŭ adnym z załaŭ Sacharaŭskaha centra. Sama zała ŭpryhožana fatahrafijami Niamcova.
Kala truny stajać členy siamji niabožčyka, u tym liku jaho maci i dzieci.
Reuters.com
Ludzi stajać u vialikaj čarzie, tvrain.ru
Na pachavańnie pryjšli sotni ludziej, pryjechaŭ pasoł ZŠA Teft.
Mama Barysa Niamcova, Dzina Ejdman, itar-tass.com
U Sacharaŭski centr pryjšoŭ Uładzimir Łukin, były ŭpaŭnavažany pa pravach čałavieka ŭ Rasii. Prybyŭ mer Ryhi Nił Ušakoŭ i Džon Miejdžar — były premjer-ministr Vialikabrytanii. Razam z tym, nie puścili ŭ Maskvu staršyniu sienata Polščy Bohdana Barusieviča i deputata JEP ad Łatvii Sandru Kałnijecie.
10:35
Siarhiej Kiryjenka, były kiraŭnik urada Rasii, zaraz — kiraŭnik dziaržkarparacyi «Rasatam», skazaŭ: «Biezumoŭna, jon — histaryčnaja asoba, mnohaje zrabiŭ dla krainy. Jon byŭ ščyrym, sumlennym čałaviekam, jaki zaŭsiody vieryŭ u toje, u što vieryŭ. Jon moh padmanvacca, jaho mahli padmanvać. Jon — ramantyk ŭ palitycy».
10:40
Michaił Kaśjanaŭ (staršynia ŭrada Rasii ŭ 2000-2004 hh.) zajaviŭ: «Jon staŭ voraham dla mnohich, bo jon nios praŭdu. A praŭda mnohim nie pa dušy, jana im nie padabajecca. Barys byŭ najbolš jarkim pradstaŭnikom rasijskaj apazicyi, lidaram rasijskaj apazicyi».
«Hetaja atmaśfiera nianaviści, jakaja akružaje nas, i pasłužyła spuskavym kručkom hetaha zabojstva», — skazaŭ Piotr Avien, staršynia savieta dyrektaraŭ bankaŭskaj hrupy «Alfa-Bank».
10:55
Pasoł ES u Rasii Vihaŭdas Ušackas raźvitaŭsia ad siabie, usich jeŭrapiejskich pasłoŭ i «tych, kaho nie puścili raźvitacca ŭ Rasiju».
«Siońnia my raźvitvajemsia z Barysam Niamcovym, jarkim palitykam i patryjotam Rasii, siabram Jeŭrapiejskaha Sajuza. Jon adstojvaŭ praŭdu ščyra i horača, vieračy ŭ toje, što biez praŭdy niama budučyni. Barys uvasablaŭ i abaraniaŭ tyja kaštoŭnaści, jakija my padzialali: viera ŭ siłu hramadzianskaj supolnaści, nieabchodnaść padspravazdačnaści ułady. Barys — asoba vializnaha maštabu», — skazaŭ Ušackas.
Pasoł ZŠA Teft skazaŭ: «Ja pryjšoŭ ad imia Abamy, Kiery i mnohich amierykancaŭ, jakija taksama smutkujuć».
Ciapier čytajuć
Siłaviki zatrymali lidara hurta «Pałac» Aleha Chamienku3
Kamientary