Палітвязень Алег Корбан пасля нечаканага вызвалення: Я цяпер не буду ўдзельнічаць у грамадскім жыцці
23 красавіка на волю нечакана выйшаў палітвязень, кіраўнік грамадскай ініцыятывы «Альтэрнатыва» Алег Корбан. Справу разглядаў суд Маскоўскага раёна Мінска, працэс было вырашана праводзіць за закрытымі дзвярыма.
Корбан у зняволенні знаходзіўся ад 25 кастрычніка 2020 года. Спачатку ён адбыў 15-суткавы арышт за ўдзел у несанкцыянаванай вулічнай акцыі, а пасля яго перавялі на Валадарку як абвінавачанага па крымінальнай справе. Алега судзілі па ч. 1 і 2 артыкула 342 «Арганізацыя і падрыхтоўка дзеянняў, якія груба парушаюць грамадскі парадак, ці актыўны ўдзел у іх». Прысуд — паўтара года абмежавання волі.
«Пакуль устрымаюся ад каментароў. У мяне быў суд у закрытым рэжыме, з мяне ўзялi падпiску аб неразгалошваннi наконт умоваў у СIЗА — яны там цяпер даволi жорсткiя. Але нiчога, да усяго паступова можна звыкнуцца i перажыць», — сказаў Алег.
«Усё, што датычна маёй актыўнасцi ў грамадска-палiтычным жыццi — я буду цяпер па-за гэтым», — абвясціў былы палітвязень.
У чым жа канкрэтна абвінавачвалі Корбана?
«Гэта тычылася маёй актыўнасці ў справе дапамогі пацярпелым падчас мірных акцый».
«Здароўе больш-менш нармальнае, цяпер адаптуюся да жыцця на свабодзе. Усё іншае змагу пракаментаваць троху пазней».
Адметна, што пры гэтым Алег не адказаў на пытанне, ці яго прысудзілі да рэальнай хіміі, ці ўсё ж хатняй.
Цяпер чытаюць
Беларусу на 100 гадоў забаранілі ўезд у Расію — за ўдзел у мінскіх маршах 2020 года3
Каментары