У Марыупалі зносяць драмтэатр, які быў разбураны расійскім авіяўдарам
Відэа зносу апублікаваў тэлеграм-канал «Марыупаль цяпер».
Паводле інфармацыі дарадцы законнага мэра горада Пятра Андрушчанкі, дэмантуюць заднюю і цэнтральную частку тэатра, аднак франтальную пакінуць цэлай як «аснову рэканструкцыі».
«Гэта значыць, дэмантуюцца толькі тыя часткі будынка, якія даказваюць бамбардзіроўку, а не выдуманы прапагандай падрыў знутры», — заявіў ён.
Драматычны тэатр Марыупаля, дзе мірныя жыхары хаваліся ад абстрэлаў, быў атакаваны 16 сакавіка. Гарадская рада тады заявіла, што ў выніку выбуху загінулі амаль 300 мірных жыхароў. Агенцтва Associated Press, абапіраючыся на ўласныя разлікі, паведаміла, што колькасць загінулых магла дасягнуць 600 чалавек.
Цяпер чытаюць
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі66
Каментары