Першая частка ўкраінскіх вайскоўцаў прайшла падрыхтоўку на базе ЗША ў Германіі
Яны навучыліся кіраваць заходняй бранятэхнікай.
Першая група ўкраінскіх салдат паспяхова прайшла ваенную падрыхтоўку ў Германіі. Пра гэта 17 лютага паведаміла агенцтва Associated Press са спасылкай на інфармацыю Пентагона.
Група з 635 украінскіх вайскоўцаў з сярэдзіны студзеня прайшла пяцітыднёвы курс на палігоне Графенвёр, дзе ЗША праводзяць уласныя вучэнні па агульнавайсковай і манеўранай падрыхтоўцы.
Украінцаў навучылі кіраваць баявымі машынамі пяхоты M2 Bradley і самаходнымі артылерыйскімі ўстаноўкамі M190 Paladin, якія Штаты паабяцалі ў хуткім часе перадаць Украіне.
«У трэніроўках возьме ўдзел яшчэ каля 1600 украінскіх вайскоўцаў. Іх навучаць складаным баявым навыкам і кіраванню бранятэхнікай, што будзе мець вырашальнае значэнне ў будучым вясновым наступе супраць Расіі», — заявіў Пентагон.
Таксама стала вядома, што два тыдні таму да такога ж курса навучання прыступіла яшчэ адна група ўкраінскіх салдат у колькасці 710 чалавек. Яны трэніруюцца на той жа бранятэхніцы, што і першая група.
«Акрамя гэтага, на наступным тыдні ўжо трэцяя група з 890 чалавек пачне вучыцца кіраваць амерыканскімі бронетранспарцёрамі Stryker. Гэта будуць першыя ўкраінскія вайскоўцы, якія навучацца ездзіць і ваяваць на такіх БТР», — піша агенцтва, цытуючы паведамленні Пентагона.
Нагадаем, што ЗША ўжо прасілі Украіну пачакаць з контрнаступленнем, каб лепей падрыхтаваць і ўкамплектаваць украінскую армію.
Больш за тое, нядаўна з'явіліся фатаграфіі з нямецкага порта Брэмерхафен, на якіх можна ўбачыць велізарную колькасць амерыканскай вайсковай бранятэхнікі, якую збіраюцца адправіць у дапамогу Украіне.
Чытайце яшчэ:
Ва Украіне з'явіцца першае польскае спецпадраздзяленне
Што вядома пра новую беларускую вайсковую часць ва Украіне
Брытанія вучыць украінцаў ваяваць па «заходняй мадэлі»
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек16
Каментары