Pieršaja častka ŭkrainskich vajskoŭcaŭ prajšła padrychtoŭku na bazie ZŠA ŭ Hiermanii
Jany navučylisia kiravać zachodniaj braniatechnikaj.
Pieršaja hrupa ŭkrainskich sałdat paśpiachova prajšła vajennuju padrychtoŭku ŭ Hiermanii. Pra heta 17 lutaha paviedamiła ahienctva Associated Press sa spasyłkaj na infarmacyju Pientahona.
Hrupa z 635 ukrainskich vajskoŭcaŭ ź siaredziny studzienia prajšła piacitydniovy kurs na palihonie Hrafienvior, dzie ZŠA pravodziać ułasnyja vučeńni pa ahulnavajskovaj i manieŭranaj padrychtoŭcy.
Ukraincaŭ navučyli kiravać bajavymi mašynami piachoty M2 Bradley i samachodnymi artyleryjskimi ŭstanoŭkami M190 Paladin, jakija Štaty paabiacali ŭ chutkim časie pieradać Ukrainie.
«U treniroŭkach voźmie ŭdzieł jašče kala 1600 ukrainskich vajskoŭcaŭ. Ich navučać składanym bajavym navykam i kiravańniu braniatechnikaj, što budzie mieć vyrašalnaje značeńnie ŭ budučym viasnovym nastupie suprać Rasii», — zajaviŭ Pientahon.
Taksama stała viadoma, što dva tydni tamu da takoha ž kursa navučańnia prystupiła jašče adna hrupa ŭkrainskich sałdat u kolkaści 710 čałaviek. Jany trenirujucca na toj ža braniatechnicy, što i pieršaja hrupa.
«Akramia hetaha, na nastupnym tydni ŭžo treciaja hrupa z 890 čałaviek pačnie vučycca kiravać amierykanskimi bronietransparciorami Stryker. Heta buduć pieršyja ŭkrainskija vajskoŭcy, jakija navučacca jeździć i vajavać na takich BTR», — piša ahienctva, cytujučy paviedamleńni Pientahona.
Nahadajem, što ZŠA ŭžo prasili Ukrainu pačakać z kontrnastupleńniem, kab lepiej padrychtavać i ŭkamplektavać ukrainskuju armiju.
Bolš za toje, niadaŭna źjavilisia fatahrafii ź niamieckaha porta Bremierchafien, na jakich možna ŭbačyć vielizarnuju kolkaść amierykanskaj vajskovaj braniatechniki, jakuju źbirajucca adpravić u dapamohu Ukrainie.
Čytajcie jašče:
Va Ukrainie źjavicca pieršaje polskaje śpiecpadraździaleńnie
Što viadoma pra novuju biełaruskuju vajskovuju čaść va Ukrainie
Brytanija vučyć ukraincaŭ vajavać pa «zachodniaj madeli»
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary