Рэстаратар распавёў, якое грамадскае харчаванне ў Мінску цяпер загінаецца, а якое квітнее
Рэстаратар Сяргей Пушны лічыць, што ўстановы прэміум-класа сёння самы няшчасны сегмент рэстараннага бізнэсу, піша smartpress.by.
«Стала менш бізнэс-сустрэч, карпаратыўнага куражу, які быў раней. Менш стала замежнікаў, якія раней давалі вялікую долю ў продажы. Так, цяпер больш стала гасцей з Расіі, але, думаю, багатыя расійскія кліенты зараз выбіраюць іншыя месцы на планеце для наведвання прэміяльных рэстаранаў. Таму ў Беларусі сёння гэта адзін з самых слабых сегментаў, у які я нікому не параіў бы сёння ўкладваць грошы», — заявіў рэстаратар.
У той жа час, зазначыў ён, нягледзячы на змрочныя прагнозы, актыўна развіваюцца ўстановы грамадскага харчавання ў гандлёвых цэнтрах.
«Усе мае рэстараны ў гандлёвых цэнтрах бʼюць рэкорды па наведвальнасці і выручцы. Чэргі стаяць! Думаю, што гэта звязана, па-першае, з ростам унутранага спажывання — ужо не так проста выехаць за мяжу, і людзі трацяць грошы ў Беларусі. А па-другое, вырас паток расіян, якія прыязджаюць да нас на адпачынак або закупы», — лічыць Пушны.
Сяргей Пушны — сузаснавальнік рэстараннага праекта, у які ўваходзяць такія ўстановы, як «Анёлы», «Бярозка», Fabriq, сетка Golden Coffee і франшызы паназіяцкай кухні Gan Bei.
Цяпер чытаюць
Лукашэнку на свяце ў Александрыі суправаджала афіцэр Зайцава20
Каментары
Возьмите польшу.. какая нить забегпловка грязнвя но дешевая.. и очереди стоят.. а более менее где цивильно и красиво- пустует
И от денег много зависит и от культуры народа.. ксли стремлений нет.. то такая и гастро-культура