Адзін з брытанскіх універсітэтаў аб'явіў набор на доктарскую праграму па тэме Беларусі
Лонданскі ўніверсітэт каралевы Марыі і Брытанская бібліятэка аб'яўляюць набор на праграму дактарантуры, якая цалкам аплачваецца і пачнецца 1 кастрычніка 2023 года ў рамках праграмы AHRC Collaborative Doctoral Partnership Scheme.
Навучанне накіравана на даследаванне ўнікальнай беларускай калекцыі Брытанскай бібліятэкі, гісторыі развіцця краіны падчас халоднай вайны і развіцця калекцыі ў выніку выхаду Беларусі са складу СССР у 1991 годзе.
Праграма будзе праходзіць пад сумесным кіраўніцтвам доктара Наталлі Чарнышовай (Школа гісторыі) і прафесара Джэрэмі Хікса (кафедра сучасных моў і культур) з Лонданскага ўніверсітэта каралевы Марыі, а таксама прадстаўнікоў навуковай супольнасці Брытанскай бібліятэкі.
Лонданскі ўніверсітэт каралевы Марыі і Брытанская бібліятэка імкнуцца заахвочваць заяўкі ад самага шырокага кола кандыдатаў, асобным плюсам для кандыдата будзе веданне беларускай мовы. Заяўкі прымаюцца да 8 мая 2023 года.
Больш падрабязна пра праграму і ўмовы падачы заяўкі чытайце па спасылцы.
Каментары