Расія не згодная з прапанаваным Беларуссю павышаным тарыфам прапампоўкі нафты па «Дружбе»
Расію не задавальняе прапанаванае Беларуссю павышэнне тарыфу прапампоўкі нафты праз нафтаправод «Дружба», паведаміў міністр энергетыкі РФ Мікалай Шульгіноў.
«Мы будзем абмяркоўваць гэтае пытанне. Там цяпер пастаўкі ідуць больш у Германію і Польшчу, але ўсё адно мы павінны вызначыць справядлівы і эканамічна абгрунтаваны тарыф», — цытуе чыноўніка ТАСС.
«Пастаўкі там ідуць у Германію па паўночнай галінцы, мы іх узгадняем. Адгрузак расійскай нафты там цяпер няма. Сукупныя аб'ёмы нарошчваюцца кожны месяц, у першую чаргу Германіяй. Мы штоквартальна глядзім, колькі нафты можа прапусціць трубаправодная сістэма. На год узгоднена пастаўка 1,2 млн тон, гэта значыць па 100 тысяч тон у месяц. Казахстан у дыскусіі не ўдзельнічае, таму што трубаправод не іх. Казахстан можа ўжо потым прымаць рашэнне, больш ці менш пампаваць», — адзначыў Шульгіноў.
Пры гэтым міністр не стаў каментаваць, ці рэнтабельны будзе такі тарыф, адзначыўшы, што «яшчэ не дамовіліся пра тарыф. Гэтае пытанне абмяркоўваецца».
Беларусь з 1 ліпеня бягучага года хоча павысіць тарыф на прапампоўку нафты па сваім участку нафтаправода «Дружба» аж на 84% для кампенсацыі страт ад агульнага зніжэння аб'ёму паставак расійскай нафты. З такой прапановай звярнулася «Гомельтранснафта Дружба» да расійскай «Транснафты».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску12
Каментары