На мяжы Германіі і Аўстрыі ў беларускага дальнабойніка знайшлі нож. Па нямецкіх законах гэта парушэнне
У раёне нямецкай абшчыны Кіферсфельдэн, размешчанай на мяжы з Аўстрыяй, у 36-гадовага беларуса канфіскавалі нож. Пра гэта паведамляе мясцовая паліцыя, піша сайт «Беларусь і свет». Кіроўца меў нож у сябе ў кабіне, а ў Германіі законы ў дачыненні да нажоў строгія і складаныя.
Беларус ехаў на грузавіку па трасе А-93. Нож з лязом даўжынёй каля 14 сантыметраў быў знойдзены ў яго падчас памежнага кантролю. Ён ляжаў у слоіку паміж сядзеннямі кіроўцы і пасажыра.
У Германіі законы адносна нажоў строгія і складаныя. Забароны залежаць ад даўжыні, тыпу фіксацыі і механізму адкрыцця ляза, ад таго, захоўваеце вы іх дома, носіце з сабой ці перавозіце і гэтак далей.
Нямецкія праваахоўнікі пры нагодзе расказалі таксама яшчэ пра пяць выпадкаў, калі ў людзей, якія ехалі ў транспартных сродках, на гэтым участку мяжы канфіскоўваліся нажы. А 15-гадовы балгарскі падлетак вёз у сваім багажы нават два кастэты.
Ва ўсіх выпадках будуць праведзены судовыя разборы па падазрэнні ў парушэнні заканадаўства аб зброі.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма8
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары