Грамадства55

75-гадовага Барыса Хамайду арыштавалі на 15 сутак

75-гадовага віцебскага дэмакратычнага актывіста асудзілі да арышту ў судзе Верхнядзвінскага раёна, але падрабязнасцяў, паводле якога менавіта артыкула ён пакараны, сябрам і знаёмым не паведамілі. 

Барыс Хамайда

У Барыса Хамайды няма блізкіх сваякоў, якія маглі б даведацца дакладную прычыну арышту, і таму ён распавядзе пра гэта хіба што сам, калі выйдзе на волю.

Найверагодней, што адбываць арышт Хамайда будзе ў наваполацкім ІЧУ, бо пры Верхнядзвінскім РАУС няма адпаведных памяшканняў. Да ўсяго, для так званых «палітычных», арыштаваных па адміністрацыйных артыкулах, на Віцебшчыне не прымаюць перадач: пра гэта ў карных установах існуе адмысловае ўнутранае распараджэнне.

У тэрмін прысуджанага арышту ўвойдуць тыя трое сутак, якія Барыс Хамайда ўжо адбыў за кратамі. Ён быў затрыманы 28 ліпеня каля 11:30 на пероне чыгуначнай станцыі Бігосава.

Найстарэйшы віцебскі апазіцыйны актывіст і вернік у апошнія гады стала бярэ ўдзел у пілігрымках. Гэтым разам ён збіраўся прайсці пехам 10 км ад Бігосава да Росіцы, дзе пілігрымы збіраліся ўшанаваць памяць ксяндзоў-марыянаў Юрыя Кашыры і Антонія Ляшчэвіча, спаленых у 1943 годзе разам са сваімі парафіянамі ў мясцовым касцёле.

Аднак у дызель-цягніку памежнікі (Бігосава і Росіца знаходзяцца на беларуска-латышскім памежжы) правяралі ў пасажыраў пашпарты і ім не спадабалася, што на пашпарце Барыса Хамайды была вокладка з выявай «Пагоні». Тлумачэнні пра тое, што «Пагоня» ёсць нават на афіцыйным гербе Віцебскай вобласці, памежнікі слухаць не сталі і перадалі Барыса Хамайду супрацоўнікам міліцыі.

Каментары5

  • Надоел
    31.07.2023
    mikola ramanau, пошел вон!
  • Надакучыў
    31.07.2023
    mikola ramanau, пайшоў прэч!
  • Ёсік
    31.07.2023
    Дзядзьку 75 гадоў, суддзя, разумееш, што ты робіш? Што зрабіў гэты сталы чалавек, што ты яго пакараў соднямі? Што потым будзеш сьпяваць, боўдзіла.

Цяпер чытаюць

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў3

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Усе навіны →
Усе навіны

Трамп напярэдадні вылету на саміт з Пуціным: Стаўкі высокія5

У Бярэзінскім раёне мужчыну забілі пчолы

У Гомелі за палітыку пасадзілі адваката2

Дачка Джо Байдэна апублікавала фатаграфію свайго мужа, на якой ён трымае за руку іншую жанчыну, і абвясціла пра развод6

Расійскія праўладныя хакеры гадамі выкрадалі засакрэчаныя дакументы з судовых сістэм ЗША3

«Адправілі, як бандэроль па пошце». Маляваныч вярнуўся ў Польшчу з Грузіі3

ChatGPT налічыў на адным са здымкаў з Плошчы Незалежнасці 23 жніўня 2020 года 134 тысячы чалавек12

Галоўны трэнер «Нёмана»: Караеву дзякуй, а пі***сам, якія засмуціліся, прывітанне! Няхай вып'юць за нас і падавяцца!12

Аўтобус з Вільні ў Мінск не прапусцілі праз мяжу, пасажыры дабіраліся самі 1

больш чытаных навін
больш лайканых навін

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў3

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Галоўнае
Усе навіны →

Заўвага:

 

 

 

 

Закрыць Паведаміць