Цяпер у краіне пражывае 58 тысяч нашых суайчыннікаў.
Паводле звестак Дэпартамента міграцыі, 1 ліпеня ў Літве пражывалі 195 550 замежнікаў, а ў студзені 2023 г. іх было 189 411. Паводле новых звестак за паўгоддзе, скарацілася колькасць украінцаў у Літве, але яны па-ранейшаму складаюць самую вялікую суполку замежнікаў, піша Delfi.
На пачатку ліпеня 2023 года ў Літве было 84 734 украінцы, на пачатку 2023 г. — 94 891. Імаверна, змены звязаныя з пераменамі ў міграцыі грамадзян Украіны.
За паўгода вырасла колькасць беларусаў у Літве. Калі ў студзені іх было 48 804, то на пачатку ліпеня ўжо — 58 347.
Нязначна павялічылася колькасць расейцаў. На пачатку года ў Літве было 15 706 расейцаў, а ў сярэдзіне — 16 193.
Паводле звестак на 1 ліпеня 2023 года, замежнікі ў Літве складалі 6,83% усіх жыхароў краіны (у студзені 6,67%).
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі15
Каментары