Сталі вядомыя выракі відэааператару Вячаславу Лазараву і яго жонцы Таццяне Пыцько
Як стала вядома БАЖ, віцебскага відэааператара-фрылансера Вячаслава Лазарава асудзілі да пяці з паловай гадоў калоніі ўзмоцненага рэжыму. Яго жонку Таццяну Пыцько — да трох гадоў калоніі агульнага рэжыму.
Такі вырак мужу і жонцы сёння, 25 верасня, агучыў суддзя Віцебскага абласнога суда Яўген Буруноў.
Судовы працэс праходзіў у закрытым рэжыме, абаіх абвінавацілі ў спрыянні экстрэмісцкай дзейнасці.
Вячаслава Лазарава і ягоную жонку Таццяну Пыцько абвінавачвалі ў супрацы з тэлеканалам «Белсат», паведамляла «Вясна».
У СК трапіў архіў відэааператара, што захоўваўся на ягоных камп’ютарах і ў тэлефоне. Там знайшліся відэаздымкі, на якіх прысутнічала яго жонка Таццяна Пыцько. На думку следства, такім чынам яна ўдзельнічала ў працы экстрэмісцкага фарміравання.
Вячаслава Лазарава затрымалі ў лютым пасля ператрусу. 6 чэрвеня затрымалі Таццяну.
Дачку Таццяны і Вячаслава, якой споўніўся год, адразу накіравалі ў дзіцячы шпіталь — так робіцца ў тых выпадках, калі ў дзіцяці няма побач блізкіх сваякоў ці апекуноў, але пазней перадалі бабулі.
-
«Я заўсёды быў праўкраінскім чалавекам». Беларус амаль 20 гадоў працаваў у Маскве — вось што з ім адбылося пасля 2022‑га
-
У Беларусі — 365 экстрэмісцкіх фармаванняў і арганізацый
-
«Бываюць проста болевыя запоі. Калі ты з болю не вылазіш…». Галіна Казіміроўская — пра барацьбу з анкалогіяй, хіміятэрапію і тое, чаму не ўмее прасіць дапамогі
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары