«І я нічога лепшага не прыдумаў, як адпомсціць пагранічнікам».
Дзмітрый Нарышкін згадаў пра сваё самае дзіўнае падарожжа, якое скончылася забаронай на ўезд у Літву. Відэа ён выклаў на сваім ютуб-канале.
Па словах коміка, сябар запрасіў яго на вяселле ў Клайпеду. Для паездкі Дзмітрый аформіў візу на два дні.
«Вяселле было на караблі, які адыходзіў з Клайпеды. Я трошкі перабраў (малады быў, мне тады было 22-23 гады) з алкаголем. (…) [У выніку] выязджаў з Літвы на аўтобусе і ўжо парушаў знаходжанне — я ўжо трохі больш за два дні быў. Мне казалі: «Застанься, не спяшайся. Зараз мы табе зробім даведку, што ты атруціўся. Ты па даведцы выязджаеш, і табе нічога не будзе».
Аднак, як расказвае Нарышкін, ён не паслухаўся парадаў і паехаў. З-за пратэрмінаванай візы яго знялі з аўтобуса на мяжы.
«Мне зладзілі жорсткі шмон з вельмі глыбокім даглядам (калі вы разумееце, аб чым я). Таму што я крычаў, што я грамадзянін Беларусі. (…) Яны мне ўляпілі штамп [у пашпарт] і сказалі, што ў мяне забарона на год на атрыманне Шэнгену і ўезд у Літву за тое, што я пратэрмінаваў і тут бузю».
Але на гэтым справа не скончылася.
«Мне падалося гэтага мала. Тым больш, што ў мяне з сабою быў запас алкаголю. Яны не забіралі яго (гэта было неразважліва з іх боку). Мяне вывелі на нейтральную зону, каб мяне прыйшлі і сустрэлі беларускія пагранічнікі (яны ім пазванілі).
Гэта было, як у фільме. Мяне выводзяць. Я стаю бухушчы, гневаюся, што мне нельга будзе год у Літву ўязджаць, якую я вельмі моцна люблю.
Ідуць беларускія пагранічнікі і крычаць мне: «Ідзі да нас насустрач!». Я іду насустрач і ім крычу: «Я ўжо ў бяспецы?!» Яны гавораць: «Так, ты пад нашай аховай!»
І я нічога лепшага не прыдумаў, як адпомсціць вось гэтым [літоўскім] пагранічнікам — зняць штаны і паказаць голую дупу. Я быў вельмі горды за сябе. У 22 гады будучы вельмі п'яным», — расказвае Нарышкін.
Далей беларускія пагранічнікі падсадзілі Нарышкіна ў машыну нейкага дальнабойшчыка, і ён паспяхова даехаў да Мінска.
Але гісторыя мела працяг. Праз год мужчына звярнуўся ў консульства Літвы па візу.
«Усё. Год прайшоў. Я іду, падаю дакументы. Мне прыходзіць адмова. Мне аддалі ліст, там унутры пашпарт, адмова і фатаграфія мяне з голай дупай, і напісана: «У вас не год [забароны на ўезд], у вас тры гады».
Па словах Нарышкіна, больш так ён не рабіў.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары