На «Марафоне адзінства» ў Магілёве Марзалюк граміў ворагаў словамі Караткевіча
На чарговым туры прапагандысцкага «Марафона адзінства», які сёння адбыўся ў Магілёве, выступіў дэпутат Палаты прадстаўнікоў Ігар Марзалюк. У адрозненне ад звычайных для падобных мерапрыемстваў занудных шаблонных выступленняў, ягоны спіч быў эмацыйным і арыгінальным.
Марзалюк прамаўляў па-беларуску і спярша рытуальна згадаў пра тое, як пашчасціла беларусам з Лукашэнкам. Пасля ж, успомніўшы пра падзел Беларусі ў міжваенны час і наступнае аб'яднанне, ён маніпулятыўна прыпісаў апанентам рэжыму намеры развязаць у 2020 годзе ў Беларусі грамадзянскую вайну, «але гэта зноў не сталася, таму што мы — адзіныя».
«І вораг не можа зразумець, чаму мы такія, у чым гарт і моц нашага адзінства», — заявіў Марзалюк, пасля чаго прачытаў са сцэны напісаны ў 1968 годзе верш Уладзіміра Караткевіча «Амаль хрысціянскі тост за ворагаў».
У ягонай інтэрпрэтацыі выглядае, што калі б паэт дажыў да нашых дзён, то ён бы знаходзіўся ў шэрагах лукашыстаў і ўхваляў тое, што сёння адбываецца ў краіне, у тым ліку і расправу з дэмакратычнай і нацыянальна арыентаванай часткай грамадства.
Марзалюк: Мяне раздражняе гэтая мантра — «у нас едіная історія, у нас едіный язык»
Бондарава заклікала пакараць Марзалюка. Але падвяла сябе пад 15 сутак за рэпост «НН»
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч
«Нейкая шваль у Гродне». Марзалюк прайшоўся па Бондаравай і яе паплечніках
Марзалюк сказаў, што любімы філосаф Пуціна — ідэолаг нацызму
Прабеларускія лукашысты яднаюцца супраць прарасійскіх
Цяпер чытаюць
Лукашэнка патлумачыў, чаму яго не відаць па серадах і суботах18
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары