Аляксандр Вучыч пакаяўся, што Сербія прагаласавала ў ААН за рэзалюцыю з асуджэннем Расіі
Прэзідэнт Сербіі Аляксандр Вучыч папрасіў прабачэння перад суграмадзянамі, што краіна прагаласавала ў ААН за еўрапейскую рэзалюцыю, якая асуджае расійскую агрэсію супраць Украіны. Маўляў, гэта зроблена памылкова.
«І, як вы бачыце, я кажу гэта ў той час, калі цалкам ясна, што праз гэта я страчу прыхільнасць ці палітычныя балы ў ЕС. Я думаю, Сербіі варта было ўстрымацца. Мне няма каго вінаваціць, акрамя сябе, у мяне не было часу разабрацца з гэтым у дастатковай ступені», — сказаў Аляксандр Вучыч.
За праект гэтай рэзалюцыі 24 лютага ў ААН прагаласавалі 93 краіны, супраць — 18, устрымаліся — 65. Незвычайным было ў параўнанні з папярэднімі гадамі тое, што сярод тых, хто галасаваў супраць, апынуліся ЗША. У выніку ўпершыню з 2022 года аказалася, што Расія і ЗША галасавалі па пытанні вайны ва Украіне ў ААН аднолькава — супраць рэзалюцыі з асуджэннем Расіі.
Іншыя 16 краін, якія галасавалі супраць — Беларусь, Буркіна-Фасо, Бурундзі, Венгрыя, Гаіці, Ізраіль, КНДР, Малі, Маршалавы астравы, Нігер, Нікарагуа, Палау, Судан, Цэнтральнаафрыканская Рэспубліка, Экватарыяльная Гвінея, Эрытрэя.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
А цяпер аказваецца не ў той бок трэба было.