ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю
Генеральная Асамблея ААН падтрымала рэзалюцыю аб вайне ва Украіне, ініцыяваную Украінай і Еўропай. У ёй Расію называюць краінай-агрэсарам і патрабуюць вывесці войскі з тэрыторыі Украіны ў межах яе міжнародна прызнаных межаў. Але калі раней гэта быў хутчэй рытуальны крок з прагназаваным вынікам, то цяпер абставіны змяніліся.
За праект рэзалюцыі прагаласавалі 93 краіны, супраць — 18, устрымаліся — 65.
Перад галасаваннем ЗША разаслалі краінам — сяброўкам ААН — ліст з заклікам галасаваць за іх варыянт рэзалюцыі, якая не называе Расію агрэсарам, а заклікае «неадкладна спыніць канфлікт». Украінска-еўрапейскую рэзалюцыю амерыканская дэлегацыя не падтрымала.
У выніку ўпершыню з 2022 года аказалася, што Расія і ЗША галасавалі па пытанні вайны ва Украіне ў ААН аднолькава — супраць рэзалюцыі з асуджэннем Расіі.
Іншыя 16 краін, якія галасавалі супраць — Беларусь, Буркіна-Фасо, Бурундзі, Венгрыя, Гаіці, Ізраіль, КНДР, Малі, Маршалавы астравы, Нігер, Нікарагуа, Палау, Судан, Цэнтральнаафрыканская Рэспубліка, Экватарыяльная Гвінея, Эрытрэя.
Як бачна з пераліку, гэта ў асноўным, за выключэннем ЗША і Ізраіля, вядомыя саюзнікі ці кліенты Расіі. Большасць нават саюзных ЗША краін, за выключэннем пары маленькіх астраўных ціхаакіянскіх дзяржаў, аказаліся ў гэты момант цалкам падтрымаць рэзкі амерыканскі знешнепалітычны паварот не гатовыя.
Кітай, Іран і Індыя пры галасаванні ўстрымаліся.
Зрэшты, неўзабаве было праведзена галасаванне ААН ужо адносна амерыканскай рэзалюцыі «Шлях да міру». За яе прагаласавалі 93 дзяржавы — члена ААН, супраць выступілі 8, 73 — устрымаліся. Украіна была адной з дзяржаў, якія ўстрымаліся.
Генасамблея ААН адначасова адхіліла расійскую папраўку «аб неабходнасці ліквідацыі карэнных прычын украінскага крызісу»: супраць яе выказалася 71 дзяржава, а падтрымала — толькі 31.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары