Усяго патроху

Незвычайныя прыгоды. Праз паўгода блуканняў вілейская чарапаха вярнулася дадому

На гэтым тыдні ў сацыяльных сетках Вілейкі з'явілася аб'ява аб тым, што на Вільяніным хутары знойдзена чарапаха. Вілейчанка падчас прагулкі заўважыла істоту ў панцыры жоўта-зялёнага колеру ў траве каля возера, пашкадавала яе і ўзяла дадому: «Можа яна аднекуль ўцякла?» Дзяўчына дала аб'явы пра знаходку і не губляла надзеі, што гадаванца нехта шукае. Распавядае kraj.by. 

Праз пару гадзінаў раздаўся тэлефонны званок ад жыхара Вілейкі, які распавёў, што ў яго знікла чарапаха.

— У канцы мінулага лета на вуліцы стаяла гарачае надвор'е і дзверы на вуліцу былі адчыненыя. Чарапахун (так назваў свайго гадаванца гаспадар — Заўв. аўт.) скарыстаўся магчымасцю «пайсці пагуляць». Апамяталіся мы не адразу, а калі набіралі чарапахам ваду. Папярэдзілі суседзяў — раптам убачаць у сябе на тэрыторыі. Кліч у інтэрнэт не кідалі: катоў і сабак не заўсёды знаходзяць, а тут чарапаха. Праз два тыдні беспаспяховых пошукаў страцілі надзею знайсці яго. Набліжалася восень, і мы вельмі перажывалі, як там наш сябар, — распавёў суразмоўца.

Дарога дадому

— Аб'яву жонцы пераслала знаёмая, якая ведала, што наш сябар уцёк. Убачыўшы фота, мы адразу патэлефанавалі па нумары. Калі пераканаліся, што сапраўды наш — былі вельмі рады і паехалі яго забіраць. Чарапахун быў слабы, яго панцыр выцвіў і стаў далікатным. Перажывалі ўсёй сям'ёй, каб выжыў. Але пасля сутак у вадзе на наступны дзень ён паеў, а затым пачаў шыпець і актыўна поўзаць, — дадаў мужчына.

Дарэчы, гэта была ўжо не першая спроба ўцёкаў іх гадаванца ў панцыры.

Ад месца, дзе чарапаха згубілася, да Вільянінага хутара каля двух кіламетраў — добры шпацыр атрымаўся, а галоўнае, доўгі і нават з зімоўкай. 

Чарапахун — гэта краснавухая чарапаха. У апошнія лёт дзесяць у сувязі з пацяпленнем клімату яны сталі паспяхова зімаваць у нашых вадаёмах. З-за гэтага іх уключылі ў Чорную кнігу інвазіўных відаў жывёл Беларусі. Інвазіўны від — від, які знаходзіцца за межамі свайго натуральнага арэала, распаўсюджванне і колькасць якога ствараюць пагрозу захаванню мясцовай біялагічнай разнастайнасці.

Каментары

Перамовы па ўкраінскім пытанні з амерыканцамі вядзе «самы небяспечны чалавек Расіі»1

Перамовы па ўкраінскім пытанні з амерыканцамі вядзе «самы небяспечны чалавек Расіі»

Усе навіны →
Усе навіны

Прадстаўнік Трампа: Украіну можна падзяліць, як пасляваенны Берлін у межах мірнага пагаднення10

Зборная Беларусі едзе на чэмпіянат Еўропы па міні-футболе праз 16 гадоў2

Ці варта чакаць наплыву ў Беларусь пакістанскіх гастарбайтараў?14

Расія патрабуе за мір перадаць ёй чатыры ўкраінскія рэгіёны13

«Быццам на іншай планеце». Як беларусы з'язджаюць у эміграцыю ў непапулярныя краіны2

Краіны НАТА анансавалі дапамогу Украіне на 21 мільярд еўра3

У мінскім гандлёвым цэнтры людзі выстраіліся ў чэргі па віцебскія дываны1

У беларускім чэмпіянаце па футболе забілі незвычайны гол ВІДЭА1

Кампанія, якая катала Тыля Швайгера па Мінску, знайшла грошы. Але каманду ўжо расхапалі1

больш чытаных навін
больш лайканых навін

Перамовы па ўкраінскім пытанні з амерыканцамі вядзе «самы небяспечны чалавек Расіі»1

Перамовы па ўкраінскім пытанні з амерыканцамі вядзе «самы небяспечны чалавек Расіі»

Галоўнае
Усе навіны →

Заўвага:

 

 

 

 

Закрыць Паведаміць