Галоўнага ўкраінскага разведчыка ўзнагародзілі прэстыжным польскім ордэнам
Прэзідэнт Польшчы Анджэй Дуда ўзнагародзіў кіраўніка Галоўнага ўпраўлення разведкі Міністэрства абароны Украіны Кірылу Буданава адной з найвышэйшых польскіх узнагарод для іншаземцаў — залатым афіцэрскім крыжам ордэна «За заслугі перад Польшчай».
Як паведамілі ў ГУР, гэты ордэн уручаецца за выдатны ўнёсак у развіццё міжнароднага супрацоўніцтва і сувязяў паміж Польшчай і іншымі краінамі.
Анджэй Дуда падкрэсліў важнасць партнёрства з Украінай у барацьбе супраць расійскай агрэсіі і высока ацаніў ролю ўкраінскай арміі і разведкі ў гарантаванні бяспекі Еўропы.
Кірыла Буданаў падзякаваў за ўзнагароду і адзначыў, што цяперашняя вайна — гэта змаганне за свабоду, каштоўнасці і прынцыпы аб’яднанай Еўропы. Ён дадаў, што толькі разам народы Польшчы і Украіны могуць спыніць расійскую пагрозу і змагацца за мірную будучыню.
Раней такія ўзнагароды ад Польшчы атрымлівалі такія вядомыя сусветныя дзеячы, як Рональд Рэйган, Генры Кісінджэр, Антоніу Гутэрыш і Андэрс Фог Расмусэн.
Акрамя таго, кавалерскі крыж ордэна «За заслугі перад Польшчай» атрымаў і намеснік Буданава — генерал-маёр Вадзім Скібіцкі.
Буданаў ацаніў узровень карупцыі ў расійскай арміі пасля звальнення Шайгу
СБУ выкрыла больш за 100 агентурных сетак. Расійскія агенты планавалі забіць Зяленскага, Буданава і кіраўніка самой СБУ
Буданаў на сакрэтнай нарадзе папярэдзіў аб пагрозе існаванню Украіны, калі не будзе перамоў. У ГУР гэта абвяргаюць
Буданаў асабіста ўдзельнічаў у аперацыі па вызваленні Ваўчанскага завода
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары