Міністра культуры Чарнецкага завезлі ў івацэвіцкую калонію і паказалі спектакль
У папраўчай калоніі №22 у Івацэвіцкім раёне асуджаныя паставілі спектакль паводле п'есы Аляксея Дударава «Радавыя». Глядзець яго прыехаў міністр культуры Руслан Чарнецкі.
Перад пачаткам спектакля міністру культуры Руслану Чарнецкаму, кіраўніцтву Беларускага саюза кінематаграфістаў, Нацыянальнай кінастудыі «Беларусьфільм», Дэпартамента выканання пакаранняў МУС, а таксама, як сцвярджае Белта, сваякам асуджаных паказалі лакацыі, якія зняволеныя падрыхтавалі «разам з гістарычнымі рэканструктарамі і работнікамі Івацэвіцкага гісторыка-краязнаўчага музея».
Кожная пляцоўка паказвала розныя бакі дзейнасці партызанаў у тыле ворага. Былі паказаны партызанская школа, санітарная палатка, падпольная друкарня камсамольскай газеты «Заря» і падрыў варожага цягніка, піша Белта.
На тэрыторыі калоніі зняволеныя нават вырылі акопы.
Рэжысёр пастаноўкі, старшыня камісіі па прафесійнай адукацыі для моладзі Беларускага саюза кінематаграфістаў Ігар Пятроў распавёў, чаму менавіта п'еса «Радавыя» была абраная для пастаноўкі. «Мы доўга падбіралі матэрыял. Патрэбна была актуальная п'еса. А сёння асабліва важная патрыятычная тэматыка. Таму быў зроблены выбар на карысць п'есы «Шараговыя», — сказаў рэжысёр.
Міністр культуры высока ацаніў спектакль, паведамляе Белта. Ён звярнуў увагу на тое, што асуджаныя былі шчырымі на сцэне – і «гэта галоўнае, таму што глядач можа дараваць усё, акрамя фальшы».
Руслан Чарнецкі таксама дадаў, што асуджаныя з задавальненнем узяліся за рэалізацыю праекта гістарычнай рэканструкцыі і спектакля.
«Калі ты бачыш такі выдатны вынік, то сэрца радуецца. Трэба працягваць такія ініцыятывы. Мы прыкладзем усе намаганні, каб як мага больш асуджаных з розных калоній уцягнуць у такія праекты. Яны дапамагаюць сацыялізацыі людзей, прышчапляюць каштоўнасці. Гэта павінна дапамагчы падапечным калоній нешта ўсвядоміць», — сказаў міністр культуры.
Намеснік начальніка ДВП Уладзіслаў Мандрык адзначыў, што супрацоўнікі дэпартамента і асуджаныя праз рэканструкцыю і спектакль хацелі сказаць дзякуй продкам. «У нас, афіцэраў, і ў спецкантынгента аднолькавая ацэнка падзей Вялікай Айчыннай вайны. Мы ўсе разумеем, чаго каштавала Перамога. Ажыятаж быў вялікі, больш за 80 чалавек выказалі жаданне паўдзельнічаць у рэканструкцыі», — сказаў Уладзіслаў Мандрык.
-
Лукашэнка запатрабаваў ад міністра абароны вызначыць умацаваныя раёны, якія будуць занятыя на працягу сутак
-
Таксістка з Таджыкістана насмерць збіла беларуску ў Польшчы — і спакойна пакінула краіну
-
У Ізраілі, імаверна, затрымалі выкладчыка духоўнага вучылішча, які жанаты з маладзейшай за яго на 30 год студэнткай
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну8
Каментары