Яшчэ ў адной мінскай краме запрацавала сістэма з талонамі ў чаргу, як у банку
Здаецца, гэта новы трэнд у гандлі: крамы кіруюць чэргамі праз сістэму з талонамі.
Такая сістэма працавала ў некаторых крамах «Гіпа», цяпер тэрміналы з талонамі заўважылі і ў Green, піша Onliner.by.
Узяць талон у чаргу па мяса цяпер прапануюць у гіпермаркеце ў Dana Mall. Спачатку ў тэрмінале трэба ўзяць нумар, а потым ён з’явіцца над працоўным месцам прадаўца.
— Цяпер сістэма як у банку, толькі ў краме — нават агучка такая ж, калі завуць пакупніка. Калі пачула ў суседнім аддзеле, нават не адразу зразумела, у чым справа.
У прынцыпе, выглядае як лагічнае рашэнне, бо месца для чаргі перад прылаўкам не надта шмат, а пакупнікоў дастаткова, асабліва перад выхаднымі і калі ўсе едуць закупацца на шашлыкі, — расказала чытачка, якая заўважыла навінку.
Зараз сістэма дзейнічае толькі ў мясным аддзеле — звычайна ён у крамах самы папулярны.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары