Jašče ŭ adnoj minskaj kramie zapracavała sistema z tałonami ŭ čarhu, jak u banku
Zdajecca, heta novy trend u handli: kramy kirujuć čerhami praź sistemu z tałonami.
Takaja sistema pracavała ŭ niekatorych kramach «Hipa», ciapier terminały z tałonami zaŭvažyli i ŭ Green, piša Onliner.by.
Uziać tałon u čarhu pa miasa ciapier prapanujuć u hipiermarkiecie ŭ Dana Mall. Spačatku ŭ terminale treba ŭziać numar, a potym jon źjavicca nad pracoŭnym miescam pradaŭca.
— Ciapier sistema jak u banku, tolki ŭ kramie — navat ahučka takaja ž, kali zavuć pakupnika. Kali pačuła ŭ susiednim adździele, navat nie adrazu zrazumieła, u čym sprava.
U pryncypie, vyhladaje jak łahičnaje rašeńnie, bo miesca dla čarhi pierad pryłaŭkam nie nadta šmat, a pakupnikoŭ dastatkova, asabliva pierad vychadnymi i kali ŭsie jeduć zakupacca na šašłyki, — raskazała čytačka, jakaja zaŭvažyła navinku.
Zaraz sistema dziejničaje tolki ŭ miasnym adździele — zvyčajna jon u kramach samy papularny.
Kamientary