Пасля месяцаў сумневаў прэзідэнт ЗША Дональд Трамп ўсё ж змяніў курс адносна Расіі і Украіны і, як піша The Wall Street Journal, ключавую ролю ў гэтым адыграў федэральны канцлер Германіі Фрыдрых Мерц.
Усё пачалося з тэлефоннага званка: 11 ліпеня, пасля асабліва маштабных расійскіх абстрэлаў, Трамп асабіста патэлефанаваў Мерцу, каб выказаць незадаволенасць Уладзімірам Пуціным. Аказалася, Трамп быў гатовы перагледзець сваё стаўленне да паставак зброі.
Яшчэ за некалькі дзён да гэтага Мерц прапанаваў, што Германія заплаціць за амерыканскія сістэмы СПА для Украіны. І цяпер, калі Трамп быў настроены рашуча, Мерцу ўдалося дамовіцца з ім.
Паводле даных WSJ, з чэрвеня Мерц рэгулярна кантактаваў з Трампам, а 3 ліпеня прапанаваў канкрэтную здзелку: Берлін купляе два комплексы Patriot наўзамен спыненых паставак ад Пентагона.
Як адзначае выданне, Трамп, верагодна, не быў нават праінфармаваны пра прыпыненне дапамогі Украіне, таму проста падчас размовы нібыта звярнуўся да прысутнага побач міністра абароны Піта Хегсета: «Піт, што адбываецца?»
Менавіта тады, па словах аднаго з суразмоўцаў WSJ, Мерц знайшоў да Трампа правільны падыход, і цяпер вядзе «дыпламатыю чэкавых кніжак».
У выніку Трамп не толькі пагадзіўся на продаж, але і прапанаваў адразу пяць комплексаў. Следам за тым прэзідэнт ЗША стаў адкрыта пагражаць Маскве санкцыямі і настойваць на перамовах.
Праўда, адначасова з Мерцам спрабавалі сваімі спосабамі ўздзейнічаць на Трампа і іншыя еўрапейскія лідары. Так, прэзідэнт Фінляндыі Аляксандр Стуб усталяваў сяброўскія адносіны з Трампам падчас гольф-турніру ў Фларыдзе, а генеральны сакратар НАТА Марк Рутэ рэгулярна дасылаў яму ліслівыя паведамленні. Нефармальна ён нібыта нават жартам назваў Трампа «таткам».
Трамп заявіў, што Зяленскі не павінен наносіць удары па Маскве, а дальнабойных ракет Украіне ён не дасць
Міністр абароны Германіі выключыў пастаўкі Украіне крылатых ракет Taurus
Час для вялікага наступу Расіі: якімі могуць быць «апошнія 50 дзён вайны»
Трамп заявіў, што ракеты для Patriot ужо адпраўлены ва Украіну
Уплыў Меланіі Трамп на мужа быў недаацэнены. Украіна атрымала нечаканага саюзніка ў яе асобе
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску1
Каментары