Прэзідэнт ЗША ў аўторак заявіў, не ўдаючыся ў падрабязнасці, што ракеты для зенітных комплексаў Patriot у рамках новага механізму паставак ужо адпраўлены ва Украіну.
«Яны ўжо адпраўлены», — перапыніў Трамп журналіста, які пачаў задаваць пытанне пра ракеты для Patriot, піша Бі-бі-сі.
«Яны ідуць з Германіі, і потым Германія іх заменіць. І ва ўсіх выпадках Злучаным Штатам усё будзе цалкам аплачана. То бок, што адбываецца: як вы ведаеце, Еўрапейскі саюз, калі паглядзець, у асноўным Еўрапейскі саюз, але няхай, скажам, у форме НАТА — гэта вельмі падобна, але НАТА ўсё нам аплаціць. У некаторых выпадках нам аплацяць краіны Еўрапейскага саюза непасрэдна», — працягнуў Трамп.
На пытанне, ці не ўдараць па амерыканскіх спажыўцах другасныя санкцыі ў дачыненні да краін-пакупнікоў расійскай нафты, Трамп адказаў: «Не думаю. Я думаю, усё гэта справа скончыцца ў рэшце рэшт. Мела б скончыцца. І Пуцін жа кажа «я хачу міру, я хачу міру», але пакуль не зрабіў тое, што кажа. Дык што я думаю, яно скончыцца. Але мы хутка пабачым».
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ4
Каментары