Раскошны паўночнакарэйскі курорт для замежнікаў закрыўся праз тры тыдні пасля адкрыцця
Паўночнакарэйскі дыктатар толькі 1 ліпеня эфектна адкрыў свой новы курорт перад тэлекамерамі. Ён хваліў прыбярэжны комплекс Вансан-Кальма як «адно з найбуйнейшых дасягненняў гэтага года». І раптам — замежным турыстам уезд забаронены.
Дзяржаўны сайт DPR Korea Tour апублікаваў кароткае паведамленне: размешчаны на Японскім моры мегакурорт «часова не прымае замежных турыстаў». Чаму — не зразумела. Як доўга — таксама, піша Bild.
Пабываць там за мінулыя два тыдні паспелі толькі паўночнакарэйцы і невялікая група расіян. Удалося нанесьці візіт і міністру замежных спраў Расіі Сяргею Лаўрову, які заявіў: «Упэўнены, што расійскія турысты будуць імкнуцца сюды ўсё больш і больш».
Гэта была прыстойная лыжка дыпламатычнага мёду. Лі Санггін з Інстытута стратэгічных даследаванняў у Сеуле мяркуе, аднак, што расійскім гасьцям курорт Кіма можа здацца занадта аддаленым і дарагім. Гэта здаецца праўдзівым.
Выданне «Фонтанка» даволі падрабязна апісвае недахопы адпачынку ў КНДР:
Тур каштуе ад 145 000 расійскіх рублёў (1850 даляраў) на чалавека за сем дзён (без уліку кошту білетаў да Уладзівастока)
Пры гэтым частку гэтай сумы трэба выплаціць у далярах (1400 даляраў), да таго ж «новымі» банкнотамі і толькі ў маскоўскім офісе тураператара А калі хочацца хаця б асобны нумар — гэта абыдзецца ў яшчэ 450 «новых» даляраў; нумар другога класа — 520 даляраў з чалавека, першага класа — 850 даляраў.
З 7 дзён толькі чатыры адведзены на пляжны адпачынак. У астатнія дні ў праграме — візіт у сталіцу да помніка Чучхэ, у Музэй Перамогі, да помніка вызваліцелям і іншых ідэалагічна значных у КНДР аб’ектаў.
Ці захоча хто зрывацца за свой кошт у такое падарожжа — пытанне. Аднак эксперты лічаць, што Кім усё ж адкрые свой пляж для замежных гасцей. Будоўля курорту, верагодна, абышлася ў вялікія сумы, якія трэба акупіць. Пакуль жа, як сцвярджае дзяржаўная прапаганда, курорт запоўнены сваімі, паўночнакарэйскімі турыстамі.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары