Эрдаган заявіў пра намер арганізаваць сустрэчу Пуціна і Зяленскага ў Стамбуле
Прэзідэнт Турцыі Рэджэп Таіп Эрдаган выказаў жаданне арганізаваць асабістую сустрэчу паміж прэзідэнтам Украіны Уладзімірам Зяленскім і прэзідэнтам Расіі Уладзімірам Пуціным у Стамбуле. Для гэтага ён плануе абмеркаваць такую магчымасць з прэзідэнтам ЗША Дональдам Трампам.
25 ліпеня канцылярыя Эрдагана паведаміла, што Турцыя гатовая прыкласці намаганні, каб у найбліжэйшы час сабраць абодвух лідараў за адным сталом.
Раней у той жа дзень Эрдаган паведаміў, што разлічвае правесці перамовы з лідарамі Расіі і ЗША, каб абмеркаваць шанцы на мірныя перамовы па вайне ва Украіне.
У сваю чаргу, Дональд Трамп адзначыў, што такая сустрэча «абавязкова адбудзецца», хоць, на яго думку, яна ўжо павінна была адбыцца куды раней.
Аднак у Крамлі раней заявілі, што з-за «сур’ёзных разыходжанняў» паміж Украінай і Расіяй сустрэча паміж Зяленскім і Пуціным у найбліжэйшы час малаверагодная. Гэтая заява прагучала пасля трэцяга раўнду перамоў украінскай і расійскай дэлегацый, які прайшоў 23 ліпеня ў Турцыі.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары