Міністр унутраных спраў Польшчы лічыць малаверагоднымі перамовы Варшавы і Мінска
Міністр унутраных спраў і адміністрацыі Польшчы Марцін Кервіньскі лічыць малаверагоднымі перамовы Варшавы і Мінска. На яго думку, Беларусь з'яўляецца сатэлітам РФ, таму спроба вырашыць нейкія праблемы ў двухбаковым фармаце выглядае наіўна. Пра гэта ён заявіў у эфіры Radio Zet, піша Reform.news.
Вядучы ранішняга эфіру Богдан Рыманоўскі згадаў нядаўнюю размову Дональда Трампа і Аляксандра Лукашэнкі і спытаў, ці не наступіў прыдатны момант для перамоў з Лукашэнкам, і ці не варта польскаму боку зацікавіць Дональда Трампа гэтым пытаннем.
Трэба адзначыць, што 3 верасня прэзідэнт Польшчы Караль Наўроцкі павінен здзейсніць візіт у ЗША.
«Ёсць цудоўная магчымасць: спадар прэзідэнт Наўроцкі будзе 3 верасня ў Белым доме, каб ён гаварыў з прэзідэнтам Трампам пра тое, каб узмацніць ціск на Расію, таму што менавіта пра гэта ідзе гаворка — каб гэты міграцыйны шлях і нелегальная гібрыдная вайна скончыліся.
Разам з тым, ці настаў час для перамоў з беларускім бокам, афіцыйных перамоў? Спадар рэдактар, няўжо вы не бачылі тую ўчарашнюю карцінку: на мяжы прэм’ер Туск і старшыня фон дэр Ляен. Раптам з’яўляюцца ўзброеныя беларускія салдаты — канечне, за беларускай загародай. У рэшце рэшт, Беларусь — дзяржава-сатэліт Расіі, вядзе палітыку Пуціна.
Сапраўды, сёння казаць, што гэтае пытанне можа быць вырашана ў межах любых двухбаковых перамоў паміж намі і Беларуссю — гэта было б даволі наіўна», — адказаў ён.
Богдан Рыманоўскі спытаў, ці прызнае міністр, што для Польшчы было б істотна, каб Беларусь у меншай ступені была краінай-сатэлітам РФ.
«Нам трэба клапаціцца пра бяспеку нашай мяжы. І я вельмі задаволены гэтай заявай, і я спасылаюся на ўчарашні візіт на мяжу спадарыні старшыні Урсулы фон дэр Ляен. Я вельмі задаволены заявай, што Польшча будзе самым вялікім бенефіцыярам сродкаў у межах SAFE, або еўрапейскіх сродкаў на ўмацаванне знешніх межаў», — адказаў Кервіньскі.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары