Кім Чэн Ын запрасіў Лукашэнку ў КНДР. У Беларусь можа прыехаць Роберт Фіца
Сёння раніцай у Пекіне адбыўся вайсковы парад, прысвечаны 80-годдзю перамогі над Японіяй і заканчэнню Другой сусветнай вайны. Прысутнічалі на ім Аляксандр Лукашэнка і Кім Чэн Ын. Абодва паспелі пагаварыць паміж сабой перад маштабным мерапрыемствам.
«Лідар КНДР запрасіў наведаць Лукашэнку яго краіну ў любы зручны час», — паведамілі ў прэс-службе беларускага палітыка.
Таксама Лукашэнка паразмаўляў з прэм’ер-міністрам Славакіі Робертам Фіцам. Паводле інфармацыі прэс-службы, бакі пацвердзілі намер развіваць двухбаковыя адносіны.
«Прэм’ер Славакіі вызначыць час для наведвання Беларусі для абмеркавання магчымых варыянтаў супрацоўніцтва», — гаворыцца ў паведамленні.
Каментары