Літва санкцый з Беларусі не здыме, пакуль не будуць ліквідаваныя прычыны
Пасля вызвалення Беларуссю 52 палітычных зняволеных і зняцця ЗША санкцый з авіякампаніі «Белавія», міністр замежных спраў Кястуціс Будрыс настойвае, што Вашынгтон не патрабуе ад Літвы адмены абмежавальных мер супраць афіцыйнага Мінска, піша Delfi.
— Я магу вам гарантаваць, што гэтага пытання няма на стале. Уведзеныя санкцыі прадаўжаюцца. <…> Пакуль не будуць ліквідаваны прычыны, з-за якіх яны (санкцыі) былі ўведзены, такіх дэбатаў не будзе, — заявіў Будрыс у чацвер.
Па яго словах, заўважна жаданне Вашынгтона ўдзельнічаць у перамовах з Мінскам і дабіцца, па сутнасці, таго ж выніку — вызвалення палітвязняў і пэўнага змякчэння рэжыму. У сваю чаргу, міністр прызнаў, што ставіцца да падобных абменаў скептычна, але падкрэсліў, што гэта не абавязвае Літву змяняць свае правілы.
— Мы не звязаныя. <…> Гэта рашэнні ЗША, суверэнныя рашэнні ЗША пра тое, хто і як якія санкцыі ўжывае. Санкцыі, уведзеныя на нашай прасторы, з’яўляюцца еўрапейскімі, і, акрамя таго, мы ўвялі нацыянальныя абмежавальныя меры з-за дапамогі Беларусі Расіі ў яе агрэсіі супраць Украіны. У нас застаецца магчымасць перанесці санкцыі Еўрасаюза (ЕС) у нацыянальныя, калі яны спыняць дзеянне, — падкрэсліў Будрыс.
Кіраўнік МЗС адзначыў, што Літва «прымяняе палітыку, якая, па нашай ацэнцы, па маёй ацэнцы, дае вынікі».
— Гэта санкцыйная палітыка, палітыка ізаляцыі рэжыму, палітыка падтрымкі дэмакратычных сіл, — заявіў ён.
ЗША здымаюць санкцыі з «Белавіі»
Ці змогуць самалёты «Белавія» пасля зняцця санкцый ЗША зноў лётаць у Еўропу?
«Падрабязнасцяў не ведаем». «Белавія» не папярэдзілі, што з кампаніі здымуць санкцыі
Мінфін ЗША патлумачыў, як з «Белавія» здымуць санкцыі
Латушка: Зняцце санкцый з «Белавія» — крок у інтарэсах беларускага грамадства
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары
Але ж што насамрэч змянілась за гэтыя 30 год на Беларусі? Сапраўды, шмат чаго. Беларусь ад постсавецкай кволай дэмакратыі рашуча рушыла да аўтакратыі і ў выніку паспяхова прыйшла (дакладней - вярнулась) да таталітарызма. Праз турмы прайшло тысячы людзей, і працягвае туда трапляць безперапынна. Дзясяткі, калі не сотні, загінулі у тых самых турмах і увогуле неведама дзе, і няма падставаў лічыць што гэты працэс скончыцца. Беларусь канчаткова пераўтварылась у сатэліта Расеі без аніякіх варыянтаў на зьмены, хіба толькі пасьля распаду Расеі (можа хто і верыць у тыя казкі). Пра нацыянальны чыньнік, гуманітарны і г.д. і казаць няма чаго, аскоміну набіла ўжо.
Ну так есьць які вынік ці як?
Вядома, тут кожны скажа - і тое слушна будзе - самі выбралі гэта, самі прынялі і самі выпеставалі. То так, спрачацца няма аб чым. Але ж "разумная палітыка" толькі спрыяе умацоўваць кепскае