Litva sankcyj ź Biełarusi nie zdymie, pakul nie buduć likvidavanyja pryčyny
Paśla vyzvaleńnia Biełaruśsiu 52 palityčnych źniavolenych i źniaćcia ZŠA sankcyj z avijakampanii «Biełavija», ministr zamiežnych spraŭ Kiastucis Budrys nastojvaje, što Vašynhton nie patrabuje ad Litvy admieny abmiežavalnych mier suprać aficyjnaha Minska, piša Delfi.
— Ja mahu vam harantavać, što hetaha pytańnia niama na stale. Uviedzienyja sankcyi pradaŭžajucca. <…> Pakul nie buduć likvidavany pryčyny, z-za jakich jany (sankcyi) byli ŭviedzieny, takich debataŭ nie budzie, — zajaviŭ Budrys u čaćvier.
Pa jaho słovach, zaŭvažna žadańnie Vašynhtona ŭdzielničać u pieramovach ź Minskam i dabicca, pa sutnaści, taho ž vyniku — vyzvaleńnia palitviaźniaŭ i peŭnaha źmiakčeńnia režymu. U svaju čarhu, ministr pryznaŭ, što stavicca da padobnych abmienaŭ skieptyčna, ale padkreśliŭ, što heta nie abaviazvaje Litvu źmianiać svaje praviły.
— My nie źviazanyja. <…> Heta rašeńni ZŠA, suvierennyja rašeńni ZŠA pra toje, chto i jak jakija sankcyi ŭžyvaje. Sankcyi, uviedzienyja na našaj prastory, źjaŭlajucca jeŭrapiejskimi, i, akramia taho, my ŭviali nacyjanalnyja abmiežavalnyja miery z-za dapamohi Biełarusi Rasii ŭ jaje ahresii suprać Ukrainy. U nas zastajecca mahčymaść pieranieści sankcyi Jeŭrasajuza (ES) u nacyjanalnyja, kali jany spyniać dziejańnie, — padkreśliŭ Budrys.
Kiraŭnik MZS adznačyŭ, što Litva «prymianiaje palityku, jakaja, pa našaj acency, pa majoj acency, daje vyniki».
— Heta sankcyjnaja palityka, palityka izalacyi režymu, palityka padtrymki demakratyčnych sił, — zajaviŭ jon.
ZŠA zdymajuć sankcyi z «Biełavii»
Ci zmohuć samaloty «Biełavija» paśla źniaćcia sankcyj ZŠA znoŭ lotać u Jeŭropu?
«Padrabiaznaściaŭ nie viedajem». «Biełavija» nie papiaredzili, što z kampanii zdymuć sankcyi
Minfin ZŠA patłumačyŭ, jak z «Biełavija» zdymuć sankcyi
Łatuška: Źniaćcie sankcyj z «Biełavija» — krok u intaresach biełaruskaha hramadstva
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary
Ale ž što nasamreč źmianiłaś za hetyja 30 hod na Biełarusi? Sapraŭdy, šmat čaho. Biełaruś ad postsavieckaj kvołaj demakratyi rašuča rušyła da aŭtakratyi i ŭ vyniku paśpiachova pryjšła (dakładniej - viarnułaś) da tatalitaryzma. Praz turmy prajšło tysiačy ludziej, i praciahvaje tuda traplać biezpierapynna. Dziasiatki, kali nie sotni, zahinuli u tych samych turmach i uvohule nieviedama dzie, i niama padstavaŭ ličyć što hety praces skončycca. Biełaruś kančatkova pieraŭtvaryłaś u satelita Rasiei biez anijakich varyjantaŭ na źmieny, chiba tolki paśla raspadu Rasiei (moža chto i vieryć u tyja kazki). Pra nacyjanalny čyńnik, humanitarny i h.d. i kazać niama čaho, askominu nabiła ŭžo.
Nu tak jeść jaki vynik ci jak?
Viadoma, tut kožny skaža - i toje słušna budzie - sami vybrali heta, sami pryniali i sami vypiestavali. To tak, spračacca niama ab čym. Ale ž "razumnaja palityka" tolki spryjaje umacoŭvać kiepskaje