Латушка: Зняцце санкцый з «Белавія» — крок у інтарэсах беларускага грамадства
Кіраўнік Народнага антыкрызіснага ўпраўлення і намеснік кіраўніцы Аб'яднанага пераходнага кабінета Беларусі Павел Латушка выдаў заяву ў сувязі з сённяшнім вызваленнем 52-х палітвязняў у абмен на зняцце часткі амерыканскіх санкцый з авіякампаніі «Белавія».
«Як каардынатар санкцыйнай палітыкі ў Аб'яднаным пераходным кабінеце хачу адзначыць, што зняцце санкцый з авіякампаніі Белавія — гэта крок у інтарэсах беларускага грамадства. Таму што гэта дае магчымасць «Белавія» атрымліваць запасныя часткі абслугоўваць авіяпарк у ліцэнзаваных кампаній.
Мы дамагаліся ўвядзення санкцый, уключаючы «Белавія», каб у далейшым прымушаць Лукашэнку вызваляць палітычных зняволеных. Гэта той інструмент, які патрэбен і які цяпер адыгрывае ключавую ролю.
Трэба памятаць, што калі ў Лукашэнкі не атрымліваецца гандляваць таварамі, ён пачынае гандляваць людзьмі. Таму важна, што ціск на Лукашэнку працягваецца», — заявіў Латушка.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары