Прэзідэнт Літвы Гітанас Наўседа заявіў, што рэакцыя Мінска на меры Літвы па прадухіленні трапляння ў краіну кантрабандысцкіх паветраных шароў сведчыць пра іх эфектыўнасць, паведамляе LRT.
«Рашэнне аб бестэрміновым закрыцці пунктаў пропуску правільнае. Сённяшні зварот Аляксандра Лукашэнкі і яго спроба прасіць прабачэння — відавочная прыкмета таго, што прыпякае, што на гэта рэагуюць, — сказаў прэзідэнт Літвы журналістам у аўторак. — Хочацца, каб яшчэ мацней прыпякло».
Гітанас Наўседа меў на ўвазе тое, што Лукашэнка сёння назваў рашэнне Літвы закрыць мяжу «вар'яцкай афёрай», але пры гэтым сказаў, што гатовы папрасіць прабачэння, калі будзе ўпэўнены ў сваёй вінаватасці.
Наўседа зноў выказаў ідэю абмежаваць калінінградскі чыгуначны транзіт, але толькі для Беларусі. Па словах кіраўніка дзяржавы, гэтую прапанову не варта выключаць са спісу магчымых мер уздзеяння.
«Так, гэта сур'ёзная мера ўздзеяння. Паўтару яшчэ раз, гаворка ідзе не пра транзіт расійскіх тавараў у Калінінградскую вобласць, а пра абмежаванні на беларускія тавары», — адзначыў прэзідэнт Літвы.
Ён таксама заклікае абмеркаваць пытанне аб пашырэнні санкцый Еўрасаюза ў дачыненні да Беларусі.
«Мы ўжываем абмежаванні на калійныя ўгнаенні, але не на азотныя. Ёсць меры, якія могуць быць адраснымі, і, вядома, яны будуць найбольш эфектыўнымі ў маштабе ЕС у сувязі з пашырэннем абмежаванняў на паслугі беларускім кампаніям», — сказаў Наўседа.
Палітык падкрэсліў, што неабходна каардынаваць санкцыі ў дачыненні да Беларусі з саюзнікамі.
«Мы будзем рабіць гэта разам з саюзнікамі, таму што такія меры ўздзеяння найбольш эфектыўныя, яны наносяць найбольшую шкоду і прымушаюць мяняць дэструктыўныя паводзіны», — адзначыў Наўседа.
На мінулым тыдні аэрапорты Літвы закрываліся чатыры разы праз запуск метэазондаў, якія выкарыстоўваюцца для перавозкі кантрабандных цыгарэт з Беларусі. У выніку ад гэтага пацярпелі ў агульным ліку больш за 140 рэйсаў і больш за 20 тысяч пасажыраў.
«Вар’яцкая афёра». Лукашэнка пракаментаваў закрыццё літоўскай мяжы
«Гэта — прэлюдыя вайны». Былая міністарка абароны Літвы пра прылёты паветраных шароў з Беларусі
У панядзелак увечары ў Літве зноў былі зафіксаваныя паветраныя шары, але Віленскі аэрапорт не закрывалі
У ЕС пракаментавалі сітуацыю з беларускімі метэазондамі над Літвой
Літва праінфармавала прадстаўніка беларускай амбасады пра закрыццё мяжы «да далейшага паведамлення»
Кіраўнік літоўскага дэпартаменту бяспекі: Мінск імкнецца дэстабілізаваць сітуацыю шарамі, але канчатковая мэта незразумелая
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША7
Каментары
а дакладна Расея напала на Украіну ў 2022 годзе? Хутка летувісы напішуць у сваёй, як яны любяць, версіі гісторыі, што тое была Беларусь.