Naŭsieda pra reakcyju Łukašenki: Chočacca, kab jašče macniej prypiakło
Prezident Litvy Hitanas Naŭsieda zajaviŭ, što reakcyja Minska na miery Litvy pa praduchileńni traplańnia ŭ krainu kantrabandysckich pavietranych šaroŭ śviedčyć pra ich efiektyŭnaść, paviedamlaje LRT.
«Rašeńnie ab biesterminovym zakryćci punktaŭ propusku pravilnaje. Siońniašni zvarot Alaksandra Łukašenki i jaho sproba prasić prabačeńnia — vidavočnaja prykmieta taho, što prypiakaje, što na heta reahujuć, — skazaŭ prezident Litvy žurnalistam u aŭtorak. — Chočacca, kab jašče macniej prypiakło».
Hitanas Naŭsieda mieŭ na ŭvazie toje, što Łukašenka siońnia nazvaŭ rašeńnie Litvy zakryć miažu «varjackaj afioraj», ale pry hetym skazaŭ, što hatovy paprasić prabačeńnia, kali budzie ŭpeŭnieny ŭ svajoj vinavataści.
Naŭsieda znoŭ vykazaŭ ideju abmiežavać kalininhradski čyhunačny tranzit, ale tolki dla Biełarusi. Pa słovach kiraŭnika dziaržavy, hetuju prapanovu nie varta vyklučać sa śpisu mahčymych mier uździejańnia.
«Tak, heta surjoznaja miera ŭździejańnia. Paŭtaru jašče raz, havorka idzie nie pra tranzit rasijskich tavaraŭ u Kalininhradskuju vobłaść, a pra abmiežavańni na biełaruskija tavary», — adznačyŭ prezident Litvy.
Jon taksama zaklikaje abmierkavać pytańnie ab pašyreńni sankcyj Jeŭrasajuza ŭ dačynieńni da Biełarusi.
«My ŭžyvajem abmiežavańni na kalijnyja ŭhnajeńni, ale nie na azotnyja. Jość miery, jakija mohuć być adrasnymi, i, viadoma, jany buduć najbolš efiektyŭnymi ŭ maštabie ES u suviazi z pašyreńniem abmiežavańniaŭ na pasłuhi biełaruskim kampanijam», — skazaŭ Naŭsieda.
Palityk padkreśliŭ, što nieabchodna kaardynavać sankcyi ŭ dačynieńni da Biełarusi z sajuźnikami.
«My budziem rabić heta razam z sajuźnikami, tamu što takija miery ŭździejańnia najbolš efiektyŭnyja, jany nanosiać najbolšuju škodu i prymušajuć mianiać destruktyŭnyja pavodziny», — adznačyŭ Naŭsieda.
Na minułym tydni aeraporty Litvy zakryvalisia čatyry razy praz zapusk mieteazondaŭ, jakija vykarystoŭvajucca dla pieravozki kantrabandnych cyharet ź Biełarusi. U vyniku ad hetaha paciarpieli ŭ ahulnym liku bolš za 140 rejsaŭ i bolš za 20 tysiač pasažyraŭ.
«Varjackaja afiora». Łukašenka prakamientavaŭ zakryćcio litoŭskaj miažy
«Heta — preludyja vajny». Byłaja ministarka abarony Litvy pra pryloty pavietranych šaroŭ ź Biełarusi
U paniadziełak uviečary ŭ Litvie znoŭ byli zafiksavanyja pavietranyja šary, ale Vilenski aeraport nie zakryvali
U ES prakamientavali situacyju ź biełaruskimi mieteazondami nad Litvoj
Litva prainfarmavała pradstaŭnika biełaruskaj ambasady pra zakryćcio miažy «da dalejšaha paviedamleńnia»
Kiraŭnik litoŭskaha departamientu biaśpieki: Minsk imkniecca destabilizavać situacyju šarami, ale kančatkovaja meta niezrazumiełaja
Kamientary
a dakładna Rasieja napała na Ukrainu ŭ 2022 hodzie? Chutka letuvisy napišuć u svajoj, jak jany lubiać, viersii historyi, što toje była Biełaruś.