Amazon выпускае дакументальны фільм пра Меланію Трамп. Выканаўчы прадзюсар — сама Меланія
Кампанія Amazon абвясціла пра выхад дакументальнага фільма пра Меланію Трамп. Яго прэм’ера запланаваная на 30 студзеня 2026 года.
Стужка раскажа пра закуліснае жыццё першай лэдзі ЗША за 20 дзён да інаўгурацыі Дональда Трампа, а фіналам стане вяртанне сям’і ў Белы дом. Аўтары абяцаюць паказаць унікальныя кадры з закрытых мерапрыемстваў і прыватных сустрэч, якія раней не публікаваліся.
Меланія Трамп выступіла выканаўчай прадзюсаркай фільма і спецыяльна для гэтага заснавала ўласную кампанію Muse Films. Паводле чутак, назва адсылае да яе сакрэтнага кодавага імя падчас першага прэзідэнцкага тэрміну Трампа.
Рэжысёрам дакументальнага фільма стаў Брэт Ратнер, вядомы па кінастужках «Гадзіна пік», «Людзі Ікс: Апошняя бітва», «Жахлівыя босы» і серыяле «Уцёкі». Гэта яго першая буйная праца пасля абвінавачанняў у дамаганнях, выказаных у 2017 годзе.
Amazon набыў правы на паказ фільма за 40 мільёнаў даляраў. Зараз праект знаходзіцца на этапе постпрадакшну і павінен выйсці ў кінатэатрах напрыканцы студзеня 2026 года.
Пасля выхаду трэйлера рэакцыя аўдыторыі аказалася неадназначнай: прыхільнікі рэспубліканцаў чакаюць матывацыйную гісторыю пра моцную жанчыну, а крытыкі называюць фільм прапагандысцкім і сумняваюцца ў яго змястоўнасці.
Нашто блогеркі практыкуюцца ў «славянскім позірку»? Усё пачалося з Меланіі Трамп
Журналіст-расследвальнік падаў у суд на Меланію Трамп за сарваную здзелку па выхаду кнігі аб першай ледзі ЗША
У Віндзарскім замку Меланія Трамп была абсалютна непранікальнай. А пасля пераапранулася — і стварыла процілеглае ўражанне ФОТЫ
Пасланнік Коўл перадаў Лукашэнку ліст ад Дональда і Меланіі Трамп
Каментары