Тром мытнікам, якіх судзілі за здраду дзяржаве, далі гіганцкія тэрміны
Іх абвінавачвалі паводле васьмі артыкулаў Крымінальнага кодэкса, у тым ліку ў здрадзе дзяржаве, удзеле ў «экстрэмісцкім фармаванні» і распальванні варожасці, паведамляе Dissident.by.
Галоўны інспектар мытнай службы Яўген Гурыновіч асуджаны да 13,5 года пазбаўлення волі, Віктар Новік — да 13 гадоў, Уладзімір Журомскі — да 12 гадоў. Суд адбыўся ў 2024 годзе.
Гурыновіча, Журомскага і Новіка затрымалі ў 2022 годзе. Падчас затрымання Гурыновіча збілі і сур’ёзна пашкодзілі яму спіну. Пасля гэтага ён доўгі час не мог хадзіць, перамяшчаўся ў інвалідным крэсле і на мыліцах. З-за моцных боляў яго некалькі разоў накіроўвалі ў бальніцу ў Калядзічах. Боль быў настолькі моцны, што Гурыновіч падаў на падлогу і не мог самастойна падняцца. Медыкі доўгі час адмаўляліся прызнаваць яго інвалідам, але ў выніку ў Магілёўскай бальніцы пацвердзілі, што боль мае аб’ектыўныя прычыны. Гурыновіч афіцыйна атрымаў інваліднасць.
Цяпер ён утрымліваецца ў калоніі № 15. Адміністрацыя прымушае яго хадзіць на зарадку і на працу на мыліцах.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары