У міліцыю звярнулася жыхарка Мінска, якая пералічыла грошы за футра з куніцы, але тавару так і не атрымала. Яна паверыла ў «выгадныя зніжкі» і заплаціла грошы за тавар, якога на самой справе не існавала.
У папулярнай сацыяльнай сетцы жанчына знайшла старонку, дзе прадаваліся прыгожыя футравыя вырабы нізкімі цэнамі — нібыта з нагоды распродажу. Яна звязалася з прадаўцом, які пацвердзіў наяўнасць тавару і пачаў падганяць з купляй — маўляў, футры хутка скончацца. Каб рэч усё ж атрымаць, трэба было перавесці грошы тэрмінова.
У той жа дзень мінчанка пералічыла больш за 700 рублёў на пазначаны рахунак. Аднак заказ ёй не даслалі, а прадстаўнік «крамы» перастаў выходзіць на сувязь.
Цяпер паводле гэтага факту завялі крымінальную справу за махлярства.
Варта памятаць, што куплі ў сацыяльных сетках, калі ад вас патрабуюць поўную або частковую перадаплату — вельмі рызыкоўныя. Водгукі і шматлікія падабайкі не павінны ўводзіць у зман, бо яны могуць быць фальшывымі. Лепш выбіраць надзейных прадаўцоў і правяраць іх рэпутацыю.
81‑гадовы пенсіянер баяўся крадзяжоў і добра хаваў свае грошы, але лёгка аддаў іх махлярам
Гродзенскі фатограф прадаваў фотасесіі, але не рабіў іх, а прайграваў усе грошы ў анлайн-казіно. Ён расказаў, як усё адбывалася
Сямікласнік вынес махлярам бацькоўскія зберажэнні
На вуду інтэрнэт-махляроў трапіла нават супрацоўніца банка
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна апынулася ў Беларусі, няясна3
Каментары