Зяленскі прапанаваў краінам Блізкага Усходу памяняцца з Украінай: ракеты для Patriot на ўкраінскія дроны-перахопнікі
Падчас брыфінгу прэзідэнт Украіны Уладзімір Зяленскі заявіў, што ў першыя тры дні баявых дзеянняў у рэгіёне Блізкага Усходу было выкарыстана больш за 800 ракет PAC-3 для сістэм Patriot. Пры гэтым ён падкрэсліў, што за ўвесь час вайны Украіна ніколі не мела такой колькасці ракет для адбіцця ўдараў.
Прэзідэнт Украіны таксама адзначыў, што першыя суткі атак сталі шокавымі для краін рэгіёна. У такіх умовах, калі адбываюцца масіраваныя ўдары, усе выкарыстоўваюць усе даступныя сродкі — як ракеты PAC-2, так і PAC-3.
На думку Зяленскага, гэта звязана з недахопам адпаведнага баявога досведу, аднак цяпер гэты досвед ужо з’явіўся, і становіцца зразумела, што адных толькі сістэм Patriot недастаткова.
Таму Украіна прапануе атрымаць ракеты для сістэм Patriot у абмен на свае дроны-перахопнікі, прызначаныя для знішчэння беспілотнікаў «Шахед».
Зяленскі сказаў, што Украіна хацела б дамовіцца з некаторымі краінамі — як з тымі, пра якія можна гаварыць публічна, так і з тымі, пра якія нельга, — каб атрымаць неабходныя ракеты для Patriot і перадаць ім адпаведную колькасць перахопнікаў.
Паводле яго слоў, ён ужо абмеркаваў гэтую ідэю з украінскім вайсковым кіраўніцтвам.
Акрамя таго, Украіна гатовая дзяліцца сваім досведам барацьбы з беспілотнікамі і абароны інфраструктуры, у тым ліку нафтавай.
Мінабароны Азербайджана: Іран накіраваў чатыры беспілотнікі па Нахічэвані
«Кожны дзень — як месяц»: іранцы апісваюць жыццё на фоне авіяўдараў ЗША і Ізраіля
У Катары праз спыненне паставак газу прыпынілі працу чатыры найбуйнейшыя прадпрыемствы
З’явілася ВІДЭА тарпеднага ўдару па іранскім фрэгаце Dena. Яго аж узняло над вадою
Ізраіль нанёс удар па Хаменеі са стратасферы. Без папярэдняга ўдару па СПА, як звычайна ў сучасных войнах
Каментары