Ім 12 і 13 гадоў.
У Мінскім раёне міліцыя затрымала двух падлеткаў, якія каталіся на цягніку, але не ў вагоне, а на ім.
У Мінскай вобласці з пачатку гэтага года зафіксавана ўжо пяць фактаў праезду грамадзян на вонкавых канструкцыях цягнікоў, паведамляе МУС. Апошні падобны выпадак адбыўся 22 сакавіка каля прыпыначнага пункта Крыжоўка.
Супрацоўнікі міліцыі затрымалі двух хлопчыкаў ва ўзросце 12 і 13 гадоў, якія ехалі з вонкавага боку вагона. Падлеткі былі дастаўлены ў аддзяленне міліцыі.
За падобныя дзеянні ў Беларусі прадугледжана адміністрацыйная адказнасць — штраф да 30 базавых велічынь.
Каментары