У Беларусі вызначылі тры пляцоўкі для могільніка радыёактыўных адкідаў
Канчатковы выбар будзе зроблены пасля аналізу і падрыхтоўкі ўсіх неабходных дакументаў.
Беларусь выдзеліла тры перспектыўныя пляцоўкі для будаўніцтва пункта пахавання радыеактыўных адходаў. Пра гэта падчас круглага стала паведаміў дырэктар БелРАА Міхаіл Кісель, піша БелТА.
Адна з пляцовак знаходзіцца недалёка ад Беларускай АЭС у Астравецкім раёне. Другая — у Мсціслаўскім, яшчэ адна — у Хойніцкім, побач з Палескім дзяржаўным радыяцыйна-экалагічным запаведнікам.
Паводле слоў Міхаіла Кісяля, цяпер спецыялісты рыхтуюць справаздачу па ацэнцы ўздзеяння на навакольнае асяроддзе будучага пункта пахавання радыеактыўных адкідаў. Пасля гэтага будзе праведзена працэдура грамадскіх абмеркаванняў.
Пры гэтым прадпрыемства ўжо цяпер праводзіць тлумачальныя сустрэчы з жыхарамі раёнаў, дзе вызначаны перспектыўныя пляцоўкі.
Як адзначыў Міхаіл Кісель, пункт пахавання — гэта высокатэхналагічны інжынерны аб’ект, які будзе мець шматбар’ерную структуру і забяспечыць бяспечнае захоўванне і пахаванне адходаў на дзесяцігоддзі, пакуль будзе захоўвацца радыяцыйная актыўнасць.
Для гэтага, пры неабходнасці, адкіды змешваюць з цэментным матэрыялам, змяшчаюць у бяспечныя кантэйнеры, а затым — у спецыяльнае сховішча.
-
Па вяртанні з Польшчы арыштавалі былога супрацоўніка КДБ. Яго абвінавачваюць у «здрадзе дзяржаве»
-
У Германіі забралі дапамогу ў беларускі, якая сышлася з гаспадаром здымнай кватэры. Данос напісаў яе зніклы без вестак муж
-
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч14
Каментары