U Biełarusi vyznačyli try placoŭki dla mohilnika radyjoaktyŭnych adkidaŭ
Kančatkovy vybar budzie zrobleny paśla analizu i padrychtoŭki ŭsich nieabchodnych dakumientaŭ.
Biełaruś vydzieliła try pierśpiektyŭnyja placoŭki dla budaŭnictva punkta pachavańnia radyjeaktyŭnych adchodaŭ. Pra heta padčas kruhłaha stała paviedamiŭ dyrektar BiełRAA Michaił Kisiel, piša BiełTA.
Adna ź placovak znachodzicca niedaloka ad Biełaruskaj AES u Astravieckim rajonie. Druhaja — u Mścisłaŭskim, jašče adna — u Chojnickim, pobač z Paleskim dziaržaŭnym radyjacyjna-ekałahičnym zapaviednikam.
Pavodle słoŭ Michaiła Kisiala, ciapier śpiecyjalisty rychtujuć spravazdaču pa acency ŭździejańnia na navakolnaje asiarodździe budučaha punkta pachavańnia radyjeaktyŭnych adkidaŭ. Paśla hetaha budzie praviedziena pracedura hramadskich abmierkavańniaŭ.
Pry hetym pradpryjemstva ŭžo ciapier pravodzić tłumačalnyja sustrečy z žycharami rajonaŭ, dzie vyznačany pierśpiektyŭnyja placoŭki.
Jak adznačyŭ Michaił Kisiel, punkt pachavańnia — heta vysokatechnałahičny inžynierny abjekt, jaki budzie mieć šmatbarjernuju strukturu i zabiaśpiečyć biaśpiečnaje zachoŭvańnie i pachavańnie adchodaŭ na dziesiacihodździ, pakul budzie zachoŭvacca radyjacyjnaja aktyŭnaść.
Dla hetaha, pry nieabchodnaści, adkidy źmiešvajuć z cemientnym materyjałam, źmiaščajuć u biaśpiečnyja kantejniery, a zatym — u śpiecyjalnaje schovišča.
Kamientary
Tak čto diešievaja atomnaja enierhija eto mif. A vo vriemia vojny
jeŝie i opasna