ЗША нанеслі ўдары па іранскіх батарэях ПРА і радарах у раёне Армузскага праліва.
ЗША завяршылі «ўдары па Іране, нанесеныя ў мэтах самаабароны», — заявіла Цэнтральнае камандаванне Узброеных сіл краіны. Там дадалі, што амерыканская армія застаецца ў стане баявой гатоўнасці.
«Сілы нанеслі ўдары па іранскіх аб’ектах СПА, наземных пунктах кіравання і радыёлакацыйных станцыях каля Армузскага праліва, выкарыстоўваючы высокадакладныя боепрыпасы з самалётаў ВПС і ВМС ЗША», — адзначана ў паведамленні камандавання ў сацсетцы X.
Па сцвярджэнні камандавання, аперацыя стала «суразмерным адказам на нядаўнія напады на амерыканскія войскі і міжнародныя гандлёвыя караблі». Прэзідэнт ЗША Дональд Трамп заявіў, што атака стала адказам на збіты верталёт Apache у раёне Армузскага праліва.
Журналіст Axios Барак Равід са спасылкай на крыніцы паведаміў у сацсетцы X, што армія ЗША правяла тры хвалі ўдараў па Іране. Мясцовыя СМІ паведамлялі, што выбухі прагучалі ў гарадах Бендэр-Абас, Джаск, Сірык, Міна́к і на востраве Кешм. Паводле інфармацыі Axios, ЗША нанеслі ўдары па іранскіх батарэях ПРА і радарах у раёне Армузскага праліва.
Улады Ірана заявілі, што ў адказ на атаку былі запушчаны ракеты і беспілотнікі па амерыканскіх вайсковых базах на Блізкім Усходзе. Корпус вартавых ісламскай рэвалюцыі сцвярджае, што ўдары былі нанесены, у тым ліку, па Пятым флоце ВМС ЗША ў Бахрэйне і авіябазе ў Іарданіі. Амерыканскі бок не паведамляў пра разбурэнні. Пра адбіццё атак паведамлялі ўлады Бахрэйна і Кувейта.
-
Спявачка Арыяна Грандэ запатрабавала ад Белага дома не выкарыстоўваць яе песень у антыіміграцыйных роліках
-
12‑гадовую іспанскую дзяўчынку згвалцілі пяць аднакласнікаў на дні нараджэння. Ім за гэта нічога не будзе
-
Памерла тайская прынцэса Баджракіціябха — старэйшая дачка караля і абаронца правоў вязняў. Тры гады яна была ў коме
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў17
Каментары