Лукашэнка сёння займаецца праблемай узбуйнення Дрыбінскага раёна
Улады Магілёўскай вобласці падрыхтавалі прапановы па ўзбуйненні Дрыбінскага раёна. Пра гэта паведаміў старшыня Магілёўскага аблвыканкама Анатоль Ісачанка пасля нібыта дакладу Лукашэнку. Самога Лукашэнку, як звычайна па серадах, не паказалі. Пры гэтым галоўную тэму сённяшняга дня, — атаку беспілотніка на беларускі аўтобус з дзецьмі ў Бранскай вобласці, — Лукашэнка пакуль што не каментаваў.
Раней было даручана разгледзець магчымасць пашырэння тэрыторыі Дрыбінскага раёна за кошт далучэння часткі зямель суседніх раёнаў. Паводле папярэдніх разлікаў, пасля змянення межаў плошча раёна павялічыцца прыкладна на 10 тысяч гектараў. У выніку ён стане крыху большым за сярэднестатыстычны раён Магілёўскай вобласці.
Разам з новымі тэрыторыямі ў склад раёна павінны ўвайсці і сельскагаспадарчыя прадпрыемствы, якія цяпер працуюць на гэтых землях. Калі сёння ў Дрыбінскім раёне налічваецца шэсць сельгаспрадпрыемстваў, то пасля ўзбуйнення іх колькасць павялічыцца прыкладна ўдвая.
Паводле слоў Анатоля Ісачанкі, вобласць ужо прапрацавала гэтае пытанне і накіравала свае прапановы. Цяпер яны знаходзяцца на разглядзе. Канчатковае рашэнне будзе прынята пасля дадатковага абмеркавання і новага дакладу Лукашэнку.
Кіраўнік Магілёўскай вобласці адзначыў, што пытанне ўзбуйнення раёнаў вельмі складанае і закранае шмат аспектаў. Гаворка ідзе не толькі пра змену межаў, але і пра зямельныя рэсурсы, насельніцтва, матэрыяльную базу, арганізацыю працы прадпрыемстваў і мясцовага кіравання.
Дрыбінскі раён — самы маленькі ў Беларусі — прырасце на 100 квадратных кіламетраў
Ціханоўская пра ўдар па аўтобусе з беларускімі дзецьмі: Не рызыкуйце жыццём — не едзьце ў Расію, якая вядзе злачынную і несправядлівую вайну
Лукашэнка папрасіў прабачэння ў Зяленскага
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары