Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
У інтэрв’ю тэлеканалу «Аль-Арабія» 15 чэрвеня Аляксандр Лукашэнка заявіў, што лічыць абсалютна недапушчальным перанос вайны паміж Расіяй і Украінай на тэрыторыю Беларусі. Паводле яго слоў, гэтае пытанне неаднаразова абмяркоўвалася з Уладзімірам Пуціным, і нават сам расійскі кіраўнік нібыта выказаў меркаванне, што ўступленне Беларусі ў канфлікт прынесла б больш шкоды, чым карысці.
Лукашэнка растлумачыў сваю пазіцыю некалькімі прычынамі.
Перш за ўсё ён адзначыў, што Беларусь з’яўляецца ўразлівай у вайсковым плане:
«Беларусь (мы гэта разумеем, таму не хочам ваяваць) вельмі ўразлівая ў ваенных адносінах, калі Украіна пачне атакаваць Беларусь так сама, як яна атакуе Расію. Таму што Беларусь ва ўкраінскіх вайскоўцаў як на далоні. Мы цудоўна разумеем, што нашы асноўныя аб'екты жыццезабеспячэння — вытворчыя і лагістычныя — апынуцца пад ударам. Як яны заявілі, у іх ужо 500 такіх цэляў на тэрыторыі Беларусі пазначана».
Другой важнай прычынай ён назваў стаўленне саміх беларусаў да вайны:
«Мы ўжо нацярпеліся ў гісторыі. Мы разумеем, што загіне нямала нашых вайскоўцаў. За што? Навошта ім гінуць?»
Таксама Лукашэнка звярнуў увагу на вайскова-стратэгічны аспект:
«Фронт для Расіі перш за ўсё (вядома, і для нас), калі б яна атакавала Кіеў з тэрыторыі Беларусі, будзе павялічаны на 1,5 тысячы кіламетраў беларуска-ўкраінскай мяжы. Мы з расіянамі пры цяперашнім цячэнні вайны не зможам забяспечыць абарону гэтага ўчастка».
Акрамя таго, ён выказаў меркаванне, што далейшае пашырэнне канфлікту можа прывесці да яшчэ больш сур’ёзных наступстваў, у тым ліку да магчымасці прамога ўдзелу краін НАТА, якія падтрымліваюць Украіну.
«І гэта вайна набудзе новую якасць. Гэта будзе вайна Беларусі і Расіі супраць блока НАТО. Хоць я не выключаю, што гэта можа быць і без гэтага».
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары
А супраць узброенага войска Украіны яны ні на што не годны і пабягуць ў бок Масковіі з першымі стрэламі.
Ведае вусаты што беларусы яго ненавідзяць. Што ў выпадку чаго перайдуць са зброяй на бок ЗСУ бо ен і ягоныя апрычнікі прынеслі гора ў той ці іншай ступені амаль ў кожную беларускую сям’ю і пераважная большасць ў краіне яго і апрычнікаў ненавідзіць.
Вайна супраць Украіны для гаўляйтара і ягоных апрычнікаў = шыбініца на плошчы і на кожным слупу.
Гатоў атрымаць кулямет і выконваць прысуды калі ня будзе жадаючых.
Хаця жадаючых можа быць вялікая чарга.