Łukašenka siońnia zajmajecca prablemaj uzbujnieńnia Drybinskaha rajona
Ułady Mahiloŭskaj vobłaści padrychtavali prapanovy pa ŭzbujnieńni Drybinskaha rajona. Pra heta paviedamiŭ staršynia Mahiloŭskaha abłvykankama Anatol Isačanka paśla nibyta dakładu Łukašenku. Samoha Łukašenku, jak zvyčajna pa sieradach, nie pakazali. Pry hetym hałoŭnuju temu siońniašniaha dnia, — ataku bieśpiłotnika na biełaruski aŭtobus ź dziećmi ŭ Branskaj vobłaści, — Łukašenka pakul što nie kamientavaŭ.
Raniej było daručana razhledzieć mahčymaść pašyreńnia terytoryi Drybinskaha rajona za košt dałučeńnia častki ziamiel susiednich rajonaŭ. Pavodle papiarednich raźlikaŭ, paśla źmianieńnia miežaŭ płošča rajona pavialičycca prykładna na 10 tysiač hiektaraŭ. U vyniku jon stanie krychu bolšym za siaredniestatystyčny rajon Mahiloŭskaj vobłaści.
Razam z novymi terytoryjami ŭ skład rajona pavinny ŭvajści i sielskahaspadarčyja pradpryjemstvy, jakija ciapier pracujuć na hetych ziemlach. Kali siońnia ŭ Drybinskim rajonie naličvajecca šeść sielhaspradpryjemstvaŭ, to paśla ŭzbujnieńnia ich kolkaść pavialičycca prykładna ŭdvaja.
Pavodle słoŭ Anatola Isačanki, vobłaść užo prapracavała hetaje pytańnie i nakiravała svaje prapanovy. Ciapier jany znachodziacca na razhladzie. Kančatkovaje rašeńnie budzie pryniata paśla dadatkovaha abmierkavańnia i novaha dakładu Łukašenku.
Kiraŭnik Mahiloŭskaj vobłaści adznačyŭ, što pytańnie ŭzbujnieńnia rajonaŭ vielmi składanaje i zakranaje šmat aśpiektaŭ. Havorka idzie nie tolki pra źmienu miežaŭ, ale i pra ziamielnyja resursy, nasielnictva, materyjalnuju bazu, arhanizacyju pracy pradpryjemstvaŭ i miascovaha kiravańnia.
Drybinski rajon — samy maleńki ŭ Biełarusi — pryraście na 100 kvadratnych kiłamietraŭ
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Łukašenka paprasiŭ prabačeńnia ŭ Zialenskaha
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
Kamientary