Дрыбінскі раён — самы маленькі ў Беларусі — прырасце на 100 квадратных кіламетраў
За кошт Магілёўскага, Шклоўскага і Горацкага раёнаў.
Плошча Дрыбінскага раёна павялічыцца прыкладна на 100 квадратных кіламетраў (10 тысяч гектараў) пасля ўзбуйнення за кошт далучэння тэрыторый суседніх раёнаў. Пра гэта заявіў кіраўнік Магілёўшчыны Анатоль Ісачанка, піша БелТА.
«Сёння ў нас тры сельскагаспадарчыя прадпрыемствы ў Дрыбінскім раёне. У выніку рэарганізацыі іх будзе шэсць. Раён павялічыцца па плошчы прыкладна на 10 тысяч гектараў. Гэта будзе сярэднестатыстычны раён Магілёўскай вобласці», — сказаў Анатоль Ісачанка.
Узбуйненне плануецца за кошт зямель Магілёўскага, Шклоўскага і Горацкага раёнаў. Пры гэтым падыход прадугледжвае не проста пашырэнне тэрыторыі, але і перадачу дзейных прадпрыемстваў.
Дрыбінскі раён — самы маленькі ў Беларусі, яго плошча ўсяго 767 квадратных кіламетраў, насельніцтва — 8922 чалавекі. Тут толькі чатыры сельсаветы.
Дрыбінскі раён быў заснаваны ў 1924 годзе ў складзе Аршанскай акругі і двойчы скасоўваўся: у 1931 і 1959 годзе. У 1959 годзе яго тэрыторыя была падзеленая паміж Шклоўскім, Горацкім, Чавускім і Мсціслаўскім раёнамі. Адноўлены ў 1959 годзе. У самім Дрыбіне жыве 2877 чалавек.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі3
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары