Беларускі банкір узначаліў нацыянальную плацежную сістэму Узбекістана
Калісьці Аляксандр Сотнікаў развіваў «Белкарт».
Нацыянальная плацежная сістэма Узбекістана HUMO прызначыла сваім новым старшынёй праўлення Аляксандра Сотнікава. Пра гэта кампанія паведаміла 21 ліпеня 2026 года.
Да гэтага, з мая 2026 года, Аляксандр Сотнікаў працаваў у HUMO першым намеснікам старшыні праўлення. Ён адказваў за ключавыя напрамкі дзейнасці кампаніі і рэалізацыю стратэгічных праектаў па развіцці нацыянальнай плацежнай інфраструктуры ва Узбекістане.
Сотнікаў — спецыяліст у галіне плацежных тэхналогій, лічбавага банкінгу і развіцця нацыянальных плацежных сістэм. Ён мае больш за 25 гадоў прафесійнага досведу.
Да пераходу ў HUMO Аляксандр Сотнікаў займаў кіраўнічыя пасады ў банкаўскай і плацежнай сферах Беларусі. Ён узначальваў ААТ «Банкаўскі працэсінгавы цэнтр» — найбуйнейшы працэсінгавы цэнтр краіны і аператар нацыянальнай плацежнай сістэмы «Белкарт». Таксама Сотнікаў працаваў намеснікам старшыні праўлення Белгазпрамбанка і ў Нацыянальным банку Беларусі, дзе ўдзельнічаў у развіцці нацыянальнай плацежнай інфраструктуры і ўкараненні сучасных лічбавых фінансавых сэрвісаў.
HUMO — нацыянальная плацежная сістэма Узбекістана і адзін з важных элементаў фінансавай інфраструктуры краіны. Яна аб'ядноўвае банкі, бізнэс і мільёны карыстальнікаў, забяспечваючы развіццё сучасных плацежных тэхналогій і лічбавых фінансавых сэрвісаў.
Паводле слоў Сотнікава, адной з галоўных прычын далучыцца да HUMO сталі амбіцыйныя планы кампаніі і яе імкненне да тэхналагічнага развіцця. Сярод найбольш перспектыўных кірункаў ён адзначыў развіццё інтэграцыі паміж плацежнымі сістэмамі, выкарыстанне штучнага інтэлекту і пашырэнне міжнароднага супрацоўніцтва.
Пад кіраўніцтвам Аляксандра Сотнікава HUMO плануе працягнуць развіццё сучаснай плацежнай экасістэмы, укараняць новыя тэхналагічныя рашэнні, пашыраць міжнародныя партнёрствы і рабіць лічбавыя фінансавыя паслугі больш даступнымі для жыхароў, банкаў і прадпрыемстваў Узбекістана.
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары