На Беларускай атамнай электрастанцыі з'явілася адна з самых высокааплатных вакансій у краіне — там шукаюць намесніка галоўнага інжынера па электратэхнічным забеспячэнні АЭС, піша Office Life.
Паводле інфармацыі з базы даных службы занятасці Беларусі, будучаму супрацоўніку гатовы плаціць ад 7,9 тысячы да 10,3 тысячы рублёў у месяц. Гэта самая высокааплатная прапанова сярод амаль ста адкрытых вакансій на БелАЭС.
Акрамя высокага заробку, работніку абяцаюць даць кватэру ў аграгарадку Варняны Астравецкага раёна.
На гэтую пасаду ў першую чаргу разглядаюць спецыялістаў з вышэйшай адукацыяй па напрамках, звязаных з энергетыкай, аўтаматызацыяй, экалагічнай бяспекай, абаронай ад надзвычайных сітуацый, а таксама фізікай, у тым ліку ядзернай фізікай і тэхналогіямі.
Ад кандыдата патрабуецца не менш за пяць гадоў досведу працы на кіраўнічых пасадах у энергетычнай сферы.
У аб'яве таксама адзначаецца, што прызначэнне на гэтую пасаду магчымае толькі пасля атрымання адпаведнай ліцэнзіі Дзяржатамнагляду.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Спіс кампетэнцый шукаемай асобы сумневу не пакідае.
Гляньце, калі ласка, фільм Юрыя Хашчавацкага "Сустрэчны пазоў" 1989.
Невядомая мне пані згадвае подзвіг нейкага Лазюка, які не маўчаў, а паехаў у Маскву з вялікім дакладам.
Сп. Лазюк - загадчык. Але не 7-й клінікі у Мінску, а загадкавага аддзела загадкавага Інстытута медыцынскай генэтыкі.
Кожнаму міламу чалавеку, які забаўляецца са мною, варта будзе ведаць, што
адсутнасццю небяспечнага ізатопа ёда у сваіх шчытавідках мы, студэнты 1-га курса фізфака БДУ, абавязаныя бацьку майго памерлага равесніка, сп. Хільмановічу.
1 аптэчны флакончык ёднай спіртавой настойкі на 10-ці літровае вядро. Так сп. Хільмановіч параіў нам запарыць гарбату на 1-е траўня 1986-га. Мы у паходзе на беразе Вілейскага вадасховішча.
Я натуральна не бачу розніцы паміж студэнтамі і цяжарнымі жанчынамі, пра якіх паклапаціўся сп. Лазюк.
Што вядома пра гэтага Лазюка?