Разам з украінцам Аляксандрам Салонскім бягуння была тры гады. Летась на Каляды ён зрабіў Крысціне прапанову рукі і сэрца ў Нью-Ёрку.
Але пасля кіношнай гісторыі з пярсцёнкам ад Tiffany у Цэнтральным парку Нью-Ёрка нешта пайшло не так. Зімой бягуння распавядала, што яны ўжо амаль ажаніліся — але ў апошні момант вырашылі перанесці вяселле на іншы час.
А калі вярнулася ў Варшаву, паведаміла ў блогу, што больш не плануе дзяліцца сваім асабістым жыццём. Але ж нарэшце не стрымалася. Крысціна прызналася, што яны з Аляксандрам разышліся некалькі месяцаў таму. А падзяліцца такой сумнай навіной з падпісчыцамі бягуння вырашыла, каб паставіць канчатковую кропку ў тых адносінах.
«Гэта былі тры гады. Вельмі розныя. У іх было шмат добрага, шмат шчаслівых момантаў, але і шмат складанага. Я не трымаю зла. Праўда не трымаю. Я ведаю, што аддала гэтым адносінам усё, што магла. Канечне, я хацела большага. Хацела сям’ю, верыла ў яе і вельмі хацела, каб у нас усё атрымалася. Але ў нейкі момант прыйшлося прызнаць, што не атрымоўваецца. Адныя і тыя ж памылкі паўтараліся зноў і зноў. Мы спрабавалі, размаўлялі, пачыналі спачатку… Але ў нейкі момант стала зразумела, што проста кахання і жадання недастаткова».
Крысціна дадала, што прапанова рукі і сэрца ды планы пабрацца шлюбам у ЗША, хутчэй за ўсё, толькі паскорылі момант раставання.
Нагадаем, з украінцам Аляксандрам Салонскім Крысціна Ціманоўская пазнаёмілася ў 2023 годзе. Гэта быў даволі складаны для бягунні перыяд у асабістым жыцці. Яна з’ехала ад свайго мужа Арсенія Зданевіча, з якім была разам 10 гадоў — мужчына тады ўжо перастаў хаваць сваю каханку.
Амаль адразу пасля канчатковага разрыву Крысціна паляцела ў адпачынак у Грэцыю, дзе і сустрэла новае каханне. Курортны раман перарос у сур’ёзныя адносіны — Аляксандр, які збіраўся пераязджаць у ЗША, адклаў гэта для таго, каб застацца побач з каханай.
Крысціна Ціманоўская зноў нявеста — з пярсцёнкам ад Tiffany
«Ён атрымаў польскае грамадзянства за 9 месяцаў»: Ціманоўская ў шоку ад таго, што яе былы муж вярнуўся ў Мінск
«Гэта не проста курортны раман ці момант помсты». Крысціна Ціманоўская пра развод і новыя адносіны
Муж Ціманоўскай хутка знайшоў ёй замену. Гэта гарачая ўкраінка, што любіць ню-фота і ненавідзіць Пуціна
«Зразумела, што вартая лепшага». Крысціна Ціманоўская разводзіцца
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары