Razam z ukraincam Alaksandram Sałonskim biahuńnia była try hady. Letaś na Kalady jon zrabiŭ Kryścinie prapanovu ruki i serca ŭ Ńju-Jorku.
Ale paśla kinošnaj historyi ź piarścionkam ad Tiffany u Centralnym parku Ńju-Jorka niešta pajšło nie tak. Zimoj biahuńnia raspaviadała, što jany ŭžo amal ažanilisia — ale ŭ apošni momant vyrašyli pieranieści viasielle na inšy čas.
A kali viarnułasia ŭ Varšavu, paviedamiła ŭ błohu, što bolš nie płanuje dzialicca svaim asabistym žyćciom. Ale ž narešcie nie strymałasia. Kryścina pryznałasia, što jany z Alaksandram razyšlisia niekalki miesiacaŭ tamu. A padzialicca takoj sumnaj navinoj z padpisčycami biahuńnia vyrašyła, kab pastavić kančatkovuju kropku ŭ tych adnosinach.
«Heta byli try hady. Vielmi roznyja. U ich było šmat dobraha, šmat ščaślivych momantaŭ, ale i šmat składanaha. Ja nie trymaju zła. Praŭda nie trymaju. Ja viedaju, što addała hetym adnosinam usio, što mahła. Kaniečnie, ja chacieła bolšaha. Chacieła siamju, vieryła ŭ jaje i vielmi chacieła, kab u nas usio atrymałasia. Ale ŭ niejki momant pryjšłosia pryznać, što nie atrymoŭvajecca. Adnyja i tyja ž pamyłki paŭtaralisia znoŭ i znoŭ. My sprabavali, razmaŭlali, pačynali spačatku… Ale ŭ niejki momant stała zrazumieła, što prosta kachańnia i žadańnia niedastatkova».
Kryścina dadała, što prapanova ruki i serca dy płany pabracca šlubam u ZŠA, chutčej za ŭsio, tolki paskoryli momant rastavańnia.
Nahadajem, z ukraincam Alaksandram Sałonskim Kryścina Cimanoŭskaja paznajomiłasia ŭ 2023 hodzie. Heta byŭ davoli składany dla biahuńni pieryjad u asabistym žyćci. Jana źjechała ad svajho muža Arsienija Zdanieviča, ź jakim była razam 10 hadoŭ — mužčyna tady ŭžo pierastaŭ chavać svaju kachanku.
Amal adrazu paśla kančatkovaha razryvu Kryścina palacieła ŭ adpačynak u Hrecyju, dzie i sustreła novaje kachańnie. Kurortny raman pieraros u surjoznyja adnosiny — Alaksandr, jaki źbiraŭsia pierajazdžać u ZŠA, adkłaŭ heta dla taho, kab zastacca pobač z kachanaj.
Kryścina Cimanoŭskaja znoŭ niaviesta — ź piarścionkam ad Tiffany
«Jon atrymaŭ polskaje hramadzianstva za 9 miesiacaŭ»: Cimanoŭskaja ŭ šoku ad taho, što jaje były muž viarnuŭsia ŭ Minsk
«Heta nie prosta kurortny raman ci momant pomsty». Kryścina Cimanoŭskaja pra razvod i novyja adnosiny
Muž Cimanoŭskaj chutka znajšoŭ joj zamienu. Heta haračaja ŭkrainka, što lubić niu-fota i nienavidzić Pucina
«Zrazumieła, što vartaja lepšaha». Kryścina Cimanoŭskaja razvodzicca
Kamientary