«Калаб веку!» Манетачка зняла ролік пад хіт нявесткі Лукашэнкі

Хто вінаваты ў распаўсюдзе творчасці Ганны Сялук на мільённую аўдыторыю расійскай спявачкі?

Манетачка з Іванам Прусам і Глебам Сямёнавым. Кадр з тыктока

Найпапулярнейшая расійская спявачка Манетачка, якая пасля шырокамаштабнага ўварвання ва Украіну з'ехала з Расіі і трапіла ў спіс забароненых артыстаў, зняла нечаканы тыкток. 

У роліку спявачка выходзіць да сваіх падпісчыкаў пад песню «Беларуская жонка» ў выкананні магілёўскага спевака Дзмітрыя Азаранкі. Песня ўсхваляе дамастроеўскі вобраз жонкі, якая «рубит, сеет, пашет, и не жалуется даже». «Беларуская жонка» летась насмяшыла беларускі інтэрнэт, як і яе выканаўца, які бессаромна нахвальваў аўтарку слоў на дзяржаўным тэлебачанні.

@monetochkaliska

♬ оригинальный звук - azarenkoofficial

«Беларускую жонку» напісала самая ўплывовая аўтарка апошніх гадоў, двойчы лаўрэатка «Песні года Беларусі» — Ганна Сялук, якая па быццам бы выпадковым супадзенні аказалася яшчэ і нявесткай Лукашэнкі. Песні жонкі Дзмітрыя Лукашэнкі сёння даюць малавядомым беларускім артыстам білет на эстраду, а таксама — у падборку адборнага крынджу на шоу «О(б)суждаем».

Менавіта вядоўцы гэтага ютуб-шоу, беларускія блогеры Іван Прус і Глеб Сямёнаў, з'явіліся разам з Манетачкай у роліку. Некаторыя з фанатаў спявачкі нават спачатку зблыталі яе з доўгавалосым Глебам.

«Прабачце, я сплю? Гэта найлепшы калаб у свеце?», «Калаб веку!», «Як гэтыя сусветы сустрэліся?» — не хавалі сваіх эмоцый беларусы ў каментарыях.

А ўсё пачалося з таго, што нядаўна расійская спявачка, у якой у тыктоку 3 мільёны падпісчыкаў, падпісалася на акаўнт шоу «О(б)суждаем». «Дык што, мы цяпер сябры?».

Даведаемся пра гэта, відаць, ужо ў наступным выпуску гэтай забаўляльнай беларускай перадачы.

@kykyorg У меня МОЩНАЯ дереализация щас…@monetochkaliska #беларусь #белтыкток #беларускіцікток ♬ То_шо_ми_тепер_друзі - JOLINE

Зусім нядаўна ў шоу «О(б)суждаем» з'яўлялася папулярная расійская музыкальная крытыца Ганна Віленская, якую таксама залучылі да творчасці нявесткі Лукашэнкі.

«Там не набіраецца нават на троечку з мінусам», — вынесла тады Віленская вырак песні «Беларуская жонка» Ганны Сялук, звярнуўшы ўвагу на памылкі ў музычнай гармоніі і «забароненыя хады». 

Каментары да артыкула